Moira

Eus Wikipedia
Mont da : merdeiñ, klask
Trec'h ar Marv, tapis eus Flandrez (v. 1510-1520)
Ar Parkezed gant Sodoma.
Lac'hesis war ar Puteal de la Moncloa, penn ur puñs e marmor e doare attek nevez an IIvet kantved, Mirdi Hendraouriezh Spagn (Madrid)

An teir Moira (pe ar Moirai, pe an Teir Farkezenn d’ar Romaned, pe ar Parkezed, pe Merc'hed an Tonkadur), a oa doueezed a rae war-dro ganedigezh, buhez, ha marv an dud war an douar. Da dud Hellaz kozh e oa divizet gant an doueed kement tra a c’hoarvez er vuhez. Edo an teir Moira o chom en ur palez ma’z eo skrivet tonkad pep hini en houarn hag en arem, ha na den na doue n’hall diverkañ tra ken.

O anvioù[kemmañ]

Μοῖραι / Moĩrai eo o anv e gregach. Bez ez int:

  • Kloto ( a dalv kement ha « nezañ ») a zalc’h an neudenn, arouez buhez mab-den, war ur gegel
  • Lac'hesis ( "an tonkad") a dro an neud war ur werzhid
  • Atropos ("dibleg") eo an hini a droc’h neudenn buhez an dud pa vez deuet ar c’houlz.

O ganedigezh[kemmañ]

Gant piv e oant bet ganet, n'eo ket aes gouzout.

Hervez Teogonia Hesiodos e oant merc'hed d'an Noz, ha netra ken. Koulskoude e lavar ivez e oant merc'he da Zeus ha Temis.

Ar re a laka e oa an Noz a oa he mamm, evel Cicero, a ra anv eus Erebos evel tad.

Doareoù all a zo d'ar vojenn, stag an holl anezho ouzh an doueed kentañ, (Ouranos ha Gaia, diwar-lerc'h tammoù de Lycophron et d'Athénée, ou C'haos gant Quintus de Smyrne).

Er Republik, gant Platon, int merc'hed da Ananke (ar Red), met seblantout a ra bezañ ur c'hompren personel d'an oberour.