C'haos

C'haos, gant George Frederic Watts.

C'haos (Χάος e gregach), e mojennoù Hellaz kozh, e oa an Hollad meur m'emañ kement tra a rank bezañ ganet.

Orin ar ger

Talvezout a ra kement ha « frailh, faout ». Kar eo d'ar ger χαινω /kainô, « bezañ digor ».

Theogonia Hesiodos

Hervez Hesiodos e oa C'haos a-raok pep tra, a-raok ar bed hag an doueed. Eus ar C'haos eo e teuas Gaia (an Douar), Eros (ar C'hoant), an Tartaros (an Ifernioù), an Erebos (Teñvalijenn an Ifernioù) ha Nyks (an Noz).