Llandrillo-yn-Rhos

Eus Wikipedia
Mont da : merdeiñ, klask
Llandrillo-yn-Rhos.

Llandrillo-yn-Rhos, pe Llandrillo hepmuiken, (Rhos-on-Sea e saozneg) zo ur gêriadenn, ur barrez hag ur gumuniezh e hanternoz Kembre, en arvor Sir Conwy. Emañ un tammig er c'hornôg da gêr Bae Colwyn ha deuet eo da vezañ un astenn d'ar gêr-se. E 2011 e oa 7 593 a dud o chom e Llandrillo-yn-Rhos[1] ha 18,4% anezho a oa kembraegerien.

Gouestlet eo an iliz-parrez da sant Trillo. E-kichen kêr emañ torgenn Bryn Euryn, e-lec'h ma c'haller gwelet aspadennoù eus ur c'hreñvlec'h eus ar Grennamzer uhelañ, eus mare ar roue Maelgwn Gwynedd marteze. E-harz an dorgenn emañ rivinoù Llys Euryn. Eus ar XVIvet kantved eo an dismantroù a weler bremañ, met diagent e oa ur savadur all hag a oa lec'h-annez Ednyfed Fychan, unan eus pennañ skoazellerien rouaned Gwynedd Llywelyn Fawr hag e vab Dafydd ap Llywelyn, en XIIIvet kantved.

War an aod izeloc'h eget Bryn Euryn emañ Rhos Fynach, ul lec'h ma oa ur gored hag a oa da venec'h Abati Aberconwy gwechall. Betek deroù an XXvet kantved e voe implijet da dapout pesked.

Notennoù[kemmañ | kemmañ ar vammenn]