Klik dent

Selaou
LFE – niverenn	177
LFE – unicode	ǀ
LFE – skeudenn
X-SAMPA	`\|\`

Unan eus ar c'hensonennoù e taolennoù ofisiel al lizherenneg fonetikel etrebroadel ganti un arouezenn ispisial eo ar c'hlik dent treuzskrivet [ǀ] hervez reolennoù al LFE, ganti an niverenn dave 177. Betek 1989 eveze skrivet [ʇ].

Ur familh klikoù eo ar c'hlikoù dent implijet evel fonemoù en un nebeud familhoù yezh komzet en Afrika hag e luc'haj lidel an damineg komzet en Aostralia nemetken.

Kavet e vez stank klikoù dent er yezhoù koiek-sanek hag er yezhoù ngouniek komzet tro-war-dro bet levezonet gante, dreist-holl ar zouloueg hag ar xhosaeg. Er yezhoù ngouniek ("nguni") e vez skrivet c ar c'hlik dent tenuis; gc ar c'hlik dent sourrus; ch ar c'hlik dent c'hwezhet; nc ar c'hlik dent dre fri; ha ngc and nkc rakfriet.

Ur yezh kouchitek eo an dahaloeg enni pevar c'hlik dent, friet an holl anezhe: [ŋ̊ǀ, ŋǀ, ŋ̊ǀʷ, ŋǀʷ].

Kendistaget e e vez ar c'hlik-mañ atav evel-hen, da skouer:

[k͡ǀ] pe [ǀ͡k]: klik drekstaon-dent divouezh ((gallout a ra bezañ c'hwezhet, dre strakal, dre fic'hal, h.a.)
[ɡ͡ǀ] pe [ǀ͡ɡ]: klik drekstaon-dent mouezhiet (gallout a ra bezañ c'hwezhet, sourrus, dre fic'hal, h.a.)
[ŋ͡ǀ] pe [ǀ͡ŋ]: klik drekstaon-dent dre fri (gallout a ra bezañ c'hwezhet, divouezhiet, h.a.)
[q͡ǀ] pe [ǀ͡q]: klik huged-dent divouezh
[ɢ͡ǀ] pe [ǀ͡ɢ]: klik huged-dent mouezhiet (alies rakfriet)
[ɴ͡ǀ] pe [ǀ͡ɴ]: klik huged-dent dre fri

Implijet e vez klikoù e yezhoù all komzet en Europa ma talveont da estlamadennoù kentoc'h evit fonemoù evit diskwel an displijadur, da skouer en hungareg ha vez skrivet cöccögés [cœc:œge:ʃ], en alamaneg skrivet ts pe tss pe e saozneg tut-tut pe tsk-tsk. E gresianeg e vez implijet ur c'hlik dent pe ur c'hlik drekkevig evit lâret "nann" e lec'h όχι.