Kensonenn hugenn

Lec'hioù distagañ

Logigoù-staon

Er yezhoniezh e vez implijet an termen kensonenn hugenn (saoz.: uvular consonant) war dachenn ar fonetik hag ar fonologiezh evit komz eus ur gensonenn ganti an hugenn da lec'h distagañ pennañ, da lâret eo e stok pe e tosta korf an teod ouzh an hugenn.

Ne vez kavet nemet ur gensonenn hugenn e rannyezhoù brezhonek zo hag ivez e yezhoù all eus Europa, da lâret eo al lizherenn "r" distaget evel e galleg (evel ma vez komzet e Pariz) dreist-holl pe c'hoazh e portugaleg (evel ma vez komzet e Lisbon) hag en daneg. Ne vez implijet kensonenn hugenn ebet e yezhoù Aostralia ha yezhoù ar meurvor habask. E lec'hioù all eus ar bed avat e vezont implijet stank, dreist-holl en Afrika, e Norzhamerika, hag er Reter-Kreiz.

Setu ar c'hensonennoù hugenn pennañ gant bep a arouezenn hervez reolennoù treuzskrivañ al lizherenneg fonetikel etrebroadel:

LFE	Deskrivadur	Skouer
LFE	Deskrivadur	Yezh	Stumm skrivet	LFE	Ster
	hugenn dre fri (mouezhiet)	japaneg	日本 Nihon	[ni.hoɴ]	"Japan"
	hugenn dre serriñ divouezh	kazac'heg	Қазақ Qazaq	[qɑzɑq]	"kazac'heg"
	hugenn dre serriñ mouezhiet	inuktitut	utirama	[ʔutiɢama]	"peogwir e tistroan"
	hugenn dre daravat divouezh	alamaneg	Dach	[daχ]	"pal"
	hugenn dre daravat mouezhiet	armenieg	քաղաքավար	[kʰaʁakʰaˈvaɹ]	"seven"
	hugenn dre froumal (mouezhiet)	portugaleg (Europa)	carro	[ˈkaʀu]	"karr(-tan)"
	hugenn dre strakal (divouezh)	ketchwaeg (Cusco)	q'allu	[ˈq̕aʎu]	"chaos tomatez"
	hugenn dre entarzhañ (mouezhiet)	Mam		[ʛa]	"tan"