Kensonenn teod-gweuz

Lec'hioù distagañ

Logigoù-staon

Drek-logigoù

Rak-staon

Er yezhoniezh e vez implijet an termen kensonenn teod-gweuz pe 'kensonenn beg-gweuz (saoz.: linguolabial consonant pe apicolabials) war dachenn ar fonetik hag ar fonologiezh evit komz eus ur gensonenn kendistaget ganti an teod hag ar gweuz da lec'hioù distagañ pennañ war un dro, da lâret eo e tostae teod pe lavnenn an teod ouzh ar gweuz uhelañ sachet d'an taroñ war un dro betek stekiñ ouzh an teod.

Ral a wezh e vez implijet seurt kensonennoù gant yezhoù ar bed, met kavet e vezont en un toullad yezhoù komzet e Vanuatu hag ivez e oumotineg (umotína) aet da get nevez 'zo e Brazil hag ivez e Zapotekeg Coatlán.

Hervez reolennoù treuzskrivañ al lizhrenneg fonetikel etrebroadel e vez implijet ur sin diakritek gantañ stumm un evn war nij skrivet dindan un arouezenn evit diskwel ez eus ur gensonenn teod-gweuz anezhi:

LFE	Deskrivadur	Skouer
LFE	Deskrivadur	Yezh	Stumm skrivet	LFE	Ster
n̼	Kensonenn teod-gweuz dre fri (mouezhiet)	Tangoaeg		[n̼ata]	"lagad"
t̼	Kensonenn teod-gweuz dre serriñ divouezh	Tangoaeg		[t̼et̼e]	"balafenn"
d̼	Kensonenn teod-gweuz dre serriñ mouezhiet	Vaoeg		[nan̼d̼ak]	"gwareg"
θ̼	Kensonenn teod-gweuz dre daravat divouezh	meurnambaseg (big nambas)		['inɛθ̼]	"berranalek emañ"
ð̼	Kensonenn teod-gweuz dre daravat mouezhiet	Tangoaeg		[ð̼atu]	"maen"
r̼	Kensonenn teod-gweuz dre froumal (mouezhiet)	Zapotekeg Coatlán