Kerien

Evit implijoù all, gwelet Kerien (disheñvelout).

---

Evit Kerien, kumun en Aodoù-an-Arvor e-kichen Boulvriag, gwelet Kerien-Boulvriag.

---

Kerien
An ti-kêr
Anv gallek (ofisiel)	Querrien
Bro istorel	Kernev
Melestradurezh
Departamant	Penn-ar-Bed
Arondisamant	Kemper
Kanton	Skaer (betek 2015) Kemperle (abaoe 2015)
Kod kumun	29230
Kod post	29310
Maer Amzer gefridi	Stéphane Cado 2020-2026
Etrekumuniezh	Kemperle Kumuniezh
Bro velestradurel	Bro Gerne
Lec'hienn Web	Ti-kêr
Poblañsouriezh
Poblañs	1 654 ann. (2022)
Stankter	31 ann./km²
Douaroniezh
Daveennoù lec'hiañ	47° 51′ 29″ Norzh 3° 36′ 12″ Kornôg
Uhelderioù	bihanañ 13 m — brasañ 172 m
Gorread	54,01 km²
Kerien

Kerien (distaget [ˈkɛ.rjən]) a zo ur gumun eus Breizh e kanton Kemperle e departamant Penn-ar-Bed.

Douaroniezh

• War lez ar stêr Ele emañ Kerien.

Brezhoneg

Ya d'ar brezhoneg

• D’ar 7 a viz Meurzh 2007 e oa bet votet ar garta Ya d'ar brezhoneg gant kuzul-kêr ar gumun.

• 
  Ar skol
• 
  Al levraoueg

• D'ar 17 a viz Here 2013 e oa bet kadarnaet gant Ofis Publik ar Brezhoneg e oa bet kaset da benn vat 15 ober gant kumun Kerien ha dre-se tizhet live 2 ar garta ganti hag e oa bet roet d'ar gumun al label Ya d'ar brezhoneg live 2.
• D'an 3 a viz C'Hwevrer 2017 e oa bet lidet ar label 2.

Deskadurezh

• E distro-skol 2024 e oa 37 skoliad enskrivet er c'hlasoù divyezhek (32,3 % eus skolidi ar gumun evit a sell ouzh ar c'hentañ derez).

Ti-embann

• Ar Granenn.

Istor

Henamzer

• An hent roman eus Vorgium (Karaez bremañ) d'ar Pouldu a dreuze Kerien.

Dispac'h Gall

• Dekred eus ar 26 a viz Du 1790 war al le ret: e penn-kentañ 1791 e voe nac'het al le ouzh ar Roue, ar vro hag al lezennoù gant Ansquer, kure, Tanguy, Gouil ha Quéméner, beleion evit sikour kofez.

XIX^vet kantved

• Ar vosenn pe ur c'hleñved-red all a lazhas 330 a dud adalek miz Genver 1870 betek miz C'hwevrer 1871.

XX^vet kantved

Brezel-bed kentañ

• Mervel a reas 158 gwaz eus ar gumun, da lâret eo 4,58% eus ar boblañs e 1911, a gollas o buhez abalamour d'ar brezel.

Eil Brezel Bed

• Mervel a reas 27 den ag ar gumun abalamour d'ar brezel.
• D'an 10 a viz Mae 1944 e voe rastellet tud e kêriadenn Feunteun-Gaer gant an Alamaned; daou anezhe, Édouard Guilchet ha Lucie Cornic, a varvas er c'hampoù-bac'h.
• D'an 11 a viz Gouere 1944, c'hwec'h paotr ag ar Rezistañs, ur milour chomet dianv en o mesk, a zo fuzuilhet nepell diouzh kêriadenn Kerstank-Komboud goude bout bet barnet da varv gant lez-varn al lu alaman er Skol Santez-Barban er Faoued.
• D’an 29 a viz Gouere 1944 e kouezh ar Feldarcheriezh alaman war ur strollad Rezistanted ha milourion eus ur skipailh SAS-Jedburgh e kêriadenn Kerbozeg. Ur major eus Lu ar Rouantelezh-Unanet eus ar Special Air Service , Colin Ogden-Smith, hag ar serjant gall, Maurice Miodon eus ar Special Air Service ha mestr an atant a zo lazhet d’an Alamaned. Ur c’houblad kenlabourerion a zo lakaet d'ar marv un nebeud deizioù war-lerc’h evit bout flatret paotred ar strouezheg da Feldarcherion Kemperle;

Anv René Le Duigou, unan eus tud Kerien bet fuzuilhet, ouzh monumant Porzh-Loeiz

• D'an 23 a viz Mae 1945 e voe kavet korfoù marv tri den eus ar gumun e-tal gwikadell Porzh-Loeiz. Er Rezistañs e oant; fuzuilhet e oant bet gant al lu alaman.

Brezelioù didrevadennañ

Brezel Indez-Sina

• Mervel a reas ur milour eus ar gumun d’an 3 a viz Gwengolo 1954 en Haiphong en Tonkin er Viêtnam.

Brezel Aljeria

• Mervel a reas daou vilour.

Monumantoù ha traoù heverk

• 
  Ar c'halvar e-kreiz ar vourc'h
• 
  An iliz katolik, kroget a oa bet d'he sevel e 1740
• 
  An iliz katolik
• 
  Monumant d'ar re fuzuilhet e Kerstank-Komboud
• 
  Levraoueg Kerien (bet Chapel Sant-Jozef)

• 
  Monumant ar re varv
• 
  Monumant ar re varv

• Monumant ar re varv e Kergoad, luc'hskeudenn. Dioueliet e voe d’an 10 a viz Here 1920.

Emdroadur ar boblañs abaoe 1962

Niver a annezidi

Tud

• Remi Derrien a zo bet beziet eno.

Gevelliñ

Bro	Kêr	Abaoe
Iwerzhon	Dún Mór	1983

Liammoù diavaez

• Lec'hienn ar gumun
• (br) Kerien war lec'hienn Geobreizh