Kensonenn rak-staon

Lec'hioù distagañ

Logigoù-staon

Er yezhoniezh e vez implijet an termen kensonenn rak-staon (saoz.: alveolo-palatal consonant) war dachenn ar fonetik hag ar fonologiezh evit komz eus ur gensonenn ganti diadreñv al logigoù dent hag ar staon da lec'hioù distagañ pennañ war un dro, da lâret eo e stok beg an teod ouzh diadreñv al logigoù dent keit ha ma vez tostaet lavnenn an teod ouzh ar staon.

Disheñvel eo ar c'hensonennoù rak-staon ouzh ar c'hensonennoù drek-logigoù dre ma vezont distaget gant lavnenn an teod kentoc'h evit beg an teod ha disheñvel int ivez diouzh ar ruzennoù kilbleg hag ar c'hensonennoù isbeg an teod dre ma touch muioc'h eus korf an teod ouzh ar staon.

Kavet e vez kensonennoù rak-staon e mandarineg hakaeg, ha woueg komzer e Sina hag ivez en abc'hazeg, poloneg, ruseg, oubic'heg, japaneg, koreaneg ha serbeg. Gant ar c'hanaoreg (pe kinnauri) e vez implijet friennoù rak-staon ivez.

Setu ar c'hensonennoù rak-staon pennañ gant bep o arouezenn hervez reolennoù treuzskrivañ al lizherenneg fonetikel etrebroadel: :

LFE	Deskrivadur	Skouer
LFE	Deskrivadur	Yezh	Stumm skrivet	LFE	Ster
	Kensonenn rak-staon dre daravat divouezh	Sinaeg mandarinek	小 (xiǎo)	[ɕiɑu˨˩˦]	"bihan"
	Kensonenn rak-staon dre daravat mouezhiet	Poloneg	zioło	[ʑɔwɔ]	"geotenn"
ʨ	Kensonenn rak-staon dre fic'hal divouezh	Serbeg	кућа (kuća)	[kuʨa]	"ti"
ʥ	Kensonenn rak-staon dre fic'hal mouezhiet	Japaneg	jishin	[ʥiɕĩɴ]	"kren-douar"