Gwir Vretoned (levrig)

Gwir Vretoned zo un dastumad kanaouennoù bet embannet gant ar gelaouenn Skol, renet gant Armañs ar C'halvez, e 1964 (niverenn 27, miz Kerzu), hag ennañ komzoù 74 kanaouenn. Darn anezho zo sonioù kozh, re all sonioù troet diwar yezhoù all, gant Kerlann pe Roparz Hemon. Ar sonerezh a oa bet embannet war ul levrig distag.

Ar c'hanaouennoù

Setu amañ o anvioù evel m'o lenner e taolenn ar c'hanaouennoù, er bajenn 1.

1. Bro Gozh Va Zadoù, savet gant Taldir diwar Hen Wlad fy Nhadau, kan broadel Kembre
2. Kan-Bale Arzhur, diwar Barzhaz Breizh
3. Kan-Bale Nevenoe, gant Glenmor
4. An Alarc'h, diwar Barzhaz Breizh
5. Gwir Vretoned, savet gant Potr Treoure war don Seziz Gwengamp, e Barzhaz Breizh
6. Dalc'h Soñj, savet gant Taldir war un ton iwerzhonat
7. An Hunvreoù kaer, savet gant Roparz Hemon war un tonskosat
8. Bale Juluan Kadoudal, a vefe bet savet er vac'h gant ar chouan Juluan Kadoudal, breur da Jorj Kadoudal, a-raok ma voe lazhet gant an archerien republikan
9. Bannieloù Lambaol, dastumet gant H. Gwilherm
10. Kendalc'homp, savet gant Paolig Monjarret
11. Ar Galv, savet gant Kerlann
12. Nouel Ploueg-ar-Mor, kanet e 1953 gant Janed Kolin,
13. Nozvezh Sioul, Nozvezh Kaer, savet gant Roparz Hemon war un ton alaman brudet
14. E-kreiz an noz, savet gant Roparz Hemon
15. Ar C'hraou Nedeleg, savet gant Roparz Hemon
16. Kleier Nedeleg, savet gant Roparz Hemon
17. Marijanig Lagadbran, savet gant Potr Treoure war un ton kozh,
18. Kotokotogog, dastumet gant Potr Treoure
19. Yannig an Difouper Neizhioù, dastumet gant Potr Treoure
20. Va c'hi ha va c'hazh, ton gant A. Boucher, son gant G. Mevel, tennet eus Feiz ha Breiz
21. Son ar Yar
22. Toutouig
23. Kaourantinig ha Marivonig, kanaouenn a gornad Pondivi, kempennet gant Potr Treoure
24. Ar C'hazh Rous, tennet eus Soniou Breiz Izel (levrenn 1), dastumet gant Fañch an Uhel,
25. Glav 'ra, Berjerenn, savet gant Roparz Hemon war un ton gall
26. Breurig Jakez, savet gant Roparz Hemon war un ton gall
27. Malbroug a ya d'ar brezel, savet gant Roparz Hemon war un ton gall
28. Mont a raimp d'ar chase, savet gant Roparz Hemon war un ton skosat
29. Kleierigoù, savet gant Roparz Hemon war un ton stadunanat
30. An Tabouliner bihan, savet gant Roparz Hemon war un ton alaman
31. Mammig ar c'hizhier, savet gant Roparz Hemon
32. Me 'm eus ur c'hazhig
33. Loeizaig ha Perig
34. Pierig ha Frañsoezig
35. Son Helena
36. Ar Goulenn Eured
37. Ar vatezh Vihan
38. An Durzhunell, dastumet gant Potr Treoure
39. War Bont an Naoned
40. Me a savo un dourell, gant Maodez Glanndour, war un ton eus Bro-Gwened
41. An teir seizenn, dastumet gant Loeiz Herrieu
42. Tuchant ec'h erruo an hañv, dastumet gant Loeiz Herrieu
43. Setu achu ar goañv, gant Yann Derrien,
44. Luskellerezh, savet gant Roparz Hemon diwar ar ganaouenn alamanek Guten Abend, gant Johannes Brahms
45. Ar goañv zo tremenet, savet gant Roparz Hemon diwar ar ganaouenn alamanek Der Winter ist vergangen
46. Jani, savet gant Roparz Hemon diwar ar ganaouenn saoznek I dream of Jeanie, gant ar Stadunanad Stephen C. Foster
47. Yannig ar mil micher, gant Filomena Kadored
48. Ar C'hi en Dienn, dastumet gant H. Gwilherm
49. Son ar c'hafe, savet Evnig Penn-ar-C'hoad
50. Soubenn ar yar
51. Sonig ar c'havr
52. An Anduilhenn, dastumet gant Narsis Kelien e Pleiben e 1870
53. Son ar pilhaouer, savet gant an Aotrou Bodeur, person e Lokeored war-dro 1870, dastumet gant Narsis Kelien ,
54. Me 'gar Filo, savet gant Roparz Hemon diwar ar ganaouenn stadunanat So early in the morning
55. Julig ar Ververo
56. An hader, dastumet gant Bourgault-Ducoudray
57. Ar miliner drant, savet gant Roparz Hemon war un ton saoz
58. Kan an dud a vor, ton gant H. Gwilherm, komzoù gant K. Mevel
59. Me zo ganet e-kreiz ar mor, ton gant Jef ar Penven diwar barzhoneg Yann-Bêr Kalloc'h
60. Paotr ar Yeoded, gant Yann Derrien
61. Luskell, va bag, gant Kerlann diwar The Skye Boat Song (Bro-Skos)
62. Bageerien ar Volga, savet gant Roparz Hemon war un ton rusian, tennet eus Ar Bed Keltiek
63. Mintin war ar mor, savet gant Roparz Hemon war un ton iwerzhonat, tennet eus Ar Bed Keltiek
64. Sav, Breizh Izel
65. E-barzh ar c'hoadoù glas, savet gant Roparz Hemon war un ton gall
66. An nevez-amzer hag ar goañv, savet gant Roparz Hemon war un ton alaman
67. Santa Lucia, savet gant Roparz Hemon war un ton italian
68. An dluzhenn, savet gant Roparz Hemon war ton Die Forelle Franz Schubert
69. Ar razh koad
70. Va zi bihan, savet gant Potr Treoure war un ton kembreat
71. Hirvoudoù
72. O tregas fall, savet gant Roparz Hemon war un ton skosat
73. Serr-noz
74. Kenavo, savet gant Roparz Hemon war un ton skosat

Liammoù diavaez

• Gwir Vretoned da lenn war lec'hienn an IDBE