Emgann Coit Celidon

Emgann Coit Celidon
Stlapet Kaledvoulc'h en dour gant Sir Bedivere
Maread etre 493 ha 516 Lec'h Norzh Enez Vreizh Disoc'h trec'h ar Vrezhoned
Emgannerien
Brezhoned	Angled ha/pe Pikted
Pennoù-brezel
Arzhur	dianav
Niver a emgannerien
Dianav	Dianav
Kolloù
Dianav	Dianav

Ar seizhvet eus daouzek emgann Arzhur meneget gant Nennius en e Historia Brittonum eo Cat Coit Celidon, Emgann Coit Celidon.

Evel emgannoù arall Arzhur, n'eur ket sur eus e lec'hiadur. Kement ha "Koadeg Kaledonia" e talvez Coed Celyddon e krenngembraeg ; lec'hiadur gwirheñvelañ an emgann eo ar goadeg vras hag en em astenne eus Solway Firth betek Uheldirioù Bro-Skos. E-kichen an harzoù skosat emañ, hervez an hengoun kembreat :

• e Siorrachd Dhùn Phris ("Dumfriesshire") ;
• e-kichen Penrith e Cumbria ;
• e rannvro Glasgow.

Dianav eo enebour Arzhur, met lec'hiadur an emgann a zamveneg ar Bikted pe ur roue brezhon bennak eus su Bro-Skos. Marteze avat e stourmas ouzh Angled deuet eus Bernicia. Gallus eo ivez e voe Emgann Coit Celidon e gwirionez unan eus emgannoù Arthwys ar Peninoù ouzh Skosiz, pe ur vojenn diazezet war emgann Arfderydd e 573 etre Gwenddolew ap Ceidio ha Peredur Paladr Hir eus Ebrauc. Liammet eo emgann Arfderydd ouzh mojenn Arzhur rak en e c'houde eo e tec'has Marzhin da Goadeg Kaledonia.