Emgann Bassas

Emgann Bassas
Stlapet Kaledvoulc'h en dour gant Sir Bedivere
Maread etre 493 ha 516 Lec'h Enez Vreizh Disoc'h trec'h ar Vrezhoned
Emgannerien
Brezhoned	Dianav
Pennoù-brezel
Arzhur	Dianav
Niver a emgannerien
Dianav	Dianav
Kolloù
Dianav	Dianav

Ar c'hwec'hvet eus an daouzek emgann bet gounezet gant Arzhur hervez Nennius en e Historia Brittonum (pennad 56) eo Emgann Bassas.

Nennius ne skriv netra war e zivoud estreget e c'hoarvezas e-kichen ur stêr ; amsklaer ivez eo piv e oa enebour Arzhur.
Meur a vartezeadenn zo bet kinniget a-zivout lec'hiadur "Bassas" ha broadelezh enebour Arzhur.

• Camas Lang, e-kichen Glasgow, Bro-Skos ("Cambuslang" e saozneg) ;
• Bass Rock, un enez a-vaez da Linne Foirthe ha Bearaig a Tuath ("North Berwick"), Bro-Skos.

Mar c'hoarvezas Emgann Bassas e norzh Preden ez eo gwirheñvel e stourmas Arzhur ouzh ur penn-brezel brezhon pe bikt, pe ouzh Angled Bernicia.

• Baschurch, e Shropshire, Bro-Saoz ("Eglwyssau Bassa" e kembraeg).

Mar c'hoarvezas an emgann e Shropshire ez eo gwirheñveloc'h e oa enebourien Arzhur deuet eus East-Anglia pe zoken eus Kent.

• Old Basing, e Hampshire, Bro-Saoz.

Neuze ez eo kentoc'h ar Gewissae, bleiniet gant Cerdic Wessex marteze, hag a vije bet trec'het gant Arzhur.

• Charford, e Worcestershire, Bro-Saoz, a vije kentoc'h lec'h Emgann Natanleag.