Bulien
Bulien (distaget: ['byljɛn]) zo ur gumun gozh a Vreizh e bro Lannuon, lec'hiet er gevred da gêr Lannuon. Ul lodenn eus Lannuon eo bremañ.
Douaroniezh
[kemmañ | kemmañ ar vammenn]Etre al Leger hag ar Gindi emañ Bulien.
Kumunioù amezek : Lannuon; Brelevenez; Rospezh; Kaouenneg; Tonkedeg
Anv
[kemmañ | kemmañ ar vammenn]Stummoù skrivet
[kemmañ | kemmañ ar vammenn]B. Tanguy : Buhulyen, 1426; Buhulien, 1440, 1481 E. Vallerie : Bazulin, 1630; Buzulien, 1731
Gerdarzh
[kemmañ | kemmañ ar vammenn]Hervez Hervé Abalain (2000), an anv a deuje eus *bou- = loened saout.
N'eo ket dibosubl. Bulien en em gav e kroashent an hentoù kozh eus Gwengamp da Lannuon, hag an hini a ya eus Plûned da Donkedeg. Hag evel-se, e vije heñvel ouzh ur staol (= stabula, insula) war hentoù galian ha roman.
Ardamezioù
[kemmañ | kemmañ ar vammenn]
|
En aour e zaou beul en glazur, e ziv dreustell en argant balirant[1]. |
Istor
[kemmañ | kemmañ ar vammenn]- Ur barrez en eskopti Treger e oa.
- E 1790 e voe krouet kumun Bulien.
- Mervel a reas 38 gwaz abalamour d'ar brezel hervez monumant ar re varv, da lavaret eo 4,65 % ag ar boblañs hervez an niveradeg bet graet e 1911[2]; unan anezhe a varvas e Maissin e Belgia d’an 22 a viz Eost 1914, soudard e oa en 19vet Rujumant Troadegiezh[3]
- Mervel a reas seizh den ag ar gumun abalamour d'ar brezel
[2].
Brezelioù didrevadennañ
[kemmañ | kemmañ ar vammenn]- Mervel a reas ur soudard eus ar gumun.
Lannuon
[kemmañ | kemmañ ar vammenn]- E 1961 e oa bet staget Bulien ouzh kumun Lannuon.
Monumantoù ha traoù heverk
[kemmañ | kemmañ ar vammenn]- Iliz Santez Marc'harid.
-
-
Iliz. Gevred -
Iliz. Jube & Ograoù -
Banniel. St-Ervoan -
Banniel. Zant-Eler -
Sakramant an Aoter
- Monumant ar re varv e-tal an iliz katolik.
- Kroaz ar Wazh Kloz.
-
Kroaz ar Wazh Kloz e Bulien
_01.JPG)
- Kastell Kerivon.
Brezhoneg
[kemmañ | kemmañ ar vammenn]Ar Brezoneg er Skol
[kemmañ | kemmañ ar vammenn]- 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol[4].
- Koulmig ar Gindi e oa titl kannadig-parrez Bulien, Kaouenneg ha Lanvezeeg (renet gant Ao. person Marsel Klerg).
Emdroadur ar boblañs abaoe 1793
[kemmañ | kemmañ ar vammenn]
Melestradurezh
[kemmañ | kemmañ ar vammenn]- François Rogon de Gargaradec a oa maer e 1837 ha Jean-Baptiste Le Gac e 1860[6].
Tud
[kemmañ | kemmañ ar vammenn]- Familh Kerivon. "gwezboellek etre aour ha gul, ur steredenn en aour ouzh kondon". ger-ardamez : "sequar quocumque licebit"
- Familh Rogon a Gargaradeg. "en glazur, e dri roc'h-gwezboell en aour" Tri ezel ar familh se a zo bet fuzuilhet (= drouklazhet) gant ar republikaned war lec'h an dilestradeg c'hwitet ar roueelourien e Kiberen e 1795 : Ad.-Marie-Louis; Hyacinthe-Félix-Augustin-Madelaine; Louis-Marie-Thre
- Lies-hini Rogon a Gargaradeg a zo bet maer Bulien.
- Marsel Klerg bet person eno e-pad bloavezhioù.
- Maria Prat, ganet eno.
- Fañch Broudig, ganet eno e 1946.
- Gwilherm Dubourg, bet person eno.
Ardamezeg ar familhoù
[kemmañ | kemmañ ar vammenn]
|
Le Borgne
Aotrounez Saint-Hilivay (St Elivet) |
En argant e gab dentek en gul |
|
Kerivon Aotrounez al lec'h se |
Gwezboellek etre aour ha gul ; ur steredenn en aour ouzh kondon |
|
Rogon de Carcaradec |
En glazur e zri roc'h gwezboell en aour |
Liammoù diavaez
[kemmañ | kemmañ ar vammenn]- (fr)Gallica
Notennoù ha daveoù
[kemmañ | kemmañ ar vammenn]- ↑ (fr)Régis de Saint-Jouan. Département des Côtes-d'Armor. Dictionnaire des communes, éléments d'histoire et d'archéologie, 1990
- ↑ 2,0 ha2,1 (fr)Monumant ar re varv - Memorial Genweb
- ↑ (fr)Fichenn hiniennel - Memorial Genweb
- ↑ (fr)Marsel Guieysse, La langue bretonne : ce qu'elle fut, ce qu'elle est, ce qui se fait pour elle et contre elle, pajenn 266, Kemper, Nouvelles Éditions Bretonnes, 1936
- ↑ (fr)Cassini - EHESS
- ↑ (fr)Société D'Emulation des Côtes -du-Nord, Annuaire des Côtes-du-Nord (1805-1880), pajennoù 91 ha 310