Ar Fouilh

ar Fouilh
Maner ar Wervaen.
Anv gallek (ofisiel)	Le Fœil
Bro istorel	Bro Sant-Brieg (Goueloù)
Melestradurezh
Departamant	Aodoù-an-Arvor
Arondisamant	Sant-Brieg
Kanton	Kintin (betek 2015) Pleuloc'h (abaoe 2015)
Kod kumun	22059
Kod post	22800
Maer Amzer gefridi	Pascal Prido 2014-2026
Etrekumuniezh	Sant-Brieg Arvor Tolpad-kêrioù
Bro velestradurel	Bro Sant-Brieg
Lec'hienn Web	http://www.lefoeil.fr
Poblañsouriezh
Poblañs	1 382 ann. (2022)
Stankter	67 ann./km²
Douaroniezh
Daveennoù lec'hiañ	48° 25′ 46″ Norzh 2° 54′ 50″ Kornôg
Uhelderioù	kreiz-kêr : 250 m bihanañ 129 m — brasañ 256 m
Gorread	20,54 km²
ar Fouilh

Ar Fouilh a zo ur gumun eus Bro Sant-Brieg, hag e Bro-Oueloù, e kanton Pleuloc'h, e departamant Aodoù-an-Arvor, e hanternoz Breizh.

Anv

• Régis de Saint-Jouan ː treff paroeschial du Feill, 1499; ; Feil, 560; Fail, 1801; Lefoeil, 1802.
• Erwan Vallerie ː En Follet, 1160; An Folled, 1170; de Folleia, 1255; La Foillee, 1306; La Folloe, 1306; La Fouilliee, 1316; La Foillye, 1366; La Foillee, 1371; Foulleia, 1371; La Fueillee, 1380; La Fouillee, 1384; La Feillee, La Fouillee, 1433; Feillee, 1536

Ardamezioù

N'ez eus ket evit ar poent.

Istor

XX^vet kantved

Brezel-bed kentañ

• Mervel a reas 73 gwaz abalamour d'ar brezel hervez monumant ar re varv, eleze 5,77 % ag ar boblañs hervez an niveradeg bet graet e 1911; lazhet e voe unan anezhe e Rossignol e Belgia d’an 22 a viz Eost 1914, soudard e oa er 1añ Rujumant Troadegiezh Trevadennel.

Eil Brezel-bed

• Mervel a reas pemp den eus ar gumun abalamour d'ar brezel.

Brezelioù didrevadennañ

Brezel Indez-Sina

• Mervel a reas daou vilour eus ar gumun er Viêtnam.

Monumantoù ha traoù heverk

• Ville-Pirault (galian ha roman)
• la Brosse-Joly (galian ha roman)
• Kastell Crenan; aspadennoù ar c'hastell kozh, bet devet er bloaz 1927, a zo bet enrollet d'ar Iñ a viz Kerzu 1969. Chapel Santez Suzanna , 1785.
• Kastell La Noë-Sèche, XV^vet kantvad; an antre a zo bet enrollet d'ar 17 a viz Mezheven 1936.
• Kastell Robien, c.1745 / c. 1789, gant ar chapel, marchosioù, hag ar park, a zo bet enrollet ar 5 Gwengolo 1946. Ar c'hastell a zo en stad fall.
• Maner ar Wervaen (e galleg du Guermain) XVI^vet; talbennoù ha toennoù bet enrollet d'an 11 a viz Mezheven 1964.
• Chapel sant Laorañs a Sant Moris (fin XVIII^vet)
• Chapel santez Radegonda du Mauguerrand (XVII^vet)
• Maner La Pommeraie (XVI^vet)
• Maner La Rochefoucauld (XVII^vet)
• Maner La Ville-Berthelot (XVIII^vet)
• Maner ar Volozen (1749)
• Manet ar Sal (XVI^vet)
• Maner Pouëmen (XVI^vet)
• Maner la Ville-Pirault (Porrastell eus XVI^vet)
• Iliz Itron Varia (04 Here 1896 / 11 Kerzu 1898)
• Monumant ar re varv dirak an iliz katolik, luc’hskeudenn ha kartenn-bost .
• Plakennoù ar re varv (1914-1918 ha 1939-1945) en iliz katolik, luc’hskeudenn.

Emdroadur ar boblañs abaoe 1962

Demografiezh

1962	1968	1975	1982	1990	1999	2006	2012
857	884	888	1084	1085	1124	1321	1509
Abaoe 1962 : Poblañs hep kontoù doubl

Niver a annezidi

Melestradurezh

• Pascal Prido, maer, labourer-douar

Gevelliñ

Bro	Kêr	Abaoe
Iwerzhon	Cill an Mhuilinn	2000

Tud

• Pierre de Perrien ː markiz Krenan; marichal-kamp (1649); hanafer-veur Bro-C'hall (1670).
• Sébastien de Robien ː beskont Pleneventer, bet ganet e Robien (d'ar c'houlz-se trev Sant-Thurian Kintin) ar 26 Mezheven 1633; kuzulier ouzh Breujoù Breizh eus 1655 da 1684. Aet da Anaon e Robien ar 5 Mae 1691.
• Pierre de Perien (II) ː mab d'an hini a-us; markiz Krenan, bet ganet war dro 1650; Koronal rejimant ar Rouanez (1676), brigadier troadiegiezh (1683); marichal kamp (1688); letanant jeneral (1693); gouarnour Condé (sur-l'Escaut, Nord). Bet gloazet e-kerzh emgann Crmona (Lombardia, Italia) ar Iñ C'hwevrer 1702, hag aet da Anaon abalamour d'e c'hloazadennoù an 9 C'hwevrer.
• Paul de Robien ː mab da Sebastien; beskont Pleneventer; bet ganet an 3 Genver1660; kuzulier ouzh Breujoù Breizh e 1684, ha kadoriad gant tog eus 1704 da 1744; aet da Anaon e Sant-Albin Roazhon an 23 Mezheven 1744.
• Christophe-Paul ː markiz Robien, beskont Pleneventer; kuzulier ouzh Breujoù Breizh e 1720 ha kadoriad gant togeus 1724 da 1756. Dedennet war arkeologiezh ha natur, eñ eus savet ur gambr-studi war traoù ha tresadennoù o tennañ war Breizh a-bezh. Aet eo da Anaon e Sant-Albin Roazhon ar 5 Mezheven 1576. E-kerzh dispac'h gall e oa lemet e dastumad ha roet da Gêr Roazhon. Degouezhet eo Mirdi Arkeologiezh ha Tudouriezh, er bloaz 1855, staliet e Palez ar Skol-Veur Roazhon.
• Paul-Christophe-Céleste ː markiz Robien, mab an arkeologour, bet ganet e Sant-Albin-Roazhon ar 5 Gwengolo 1731; kuzulier ouzh Breujoù Breizh e 1749; kadoriad gant tog eus 1750 da 1785; divroet e-kerzh an Dispac'h Gall e varvas e Hambourg an 23 Ebrel 1799.
• Louis-Antoine-Rischild, baron Grivel; bet ganet e Brest an 20 Genver 1827; eil amiral; en devoa dimezet an 3 Eost 1858 Louise-Henriette Rouxel de Villefréron, herez kastell Krenan. Aet eo da Anaon e Dakar, Senegal, e-kerzh miz Meurzh 1883, ha sebeliet er Fouilh.

Ardamezeg ar familhoù

	Ausprac, Aotrounez la Villepirault	En glazur e deir greskenn en aour
	de Bellingant Aotrounez Krenan	En argant e deir fempdiliaouenn en gul
	de Perrien, Aotrounez Krenan	En argant e femp gwerzhidenn en gul, sourinet
	de Robien, Aotrounez al lec'h	En glazur e zek kanochenn en argant

Liammoù diavaez

• (fr) pajenn ar Fouilh war lec'hienn an etrekumuniezh
• (br) ar Fouilh war lec'hienn Geobreizh

Levrlennadur

• (fr)Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• (fr)Régis de Saint-Jouan : Dictionnaire des communes. Département des Côtes-d'Armor. Eléments d'histoire et d'archéologie. Conseil Général des Côtes d'Armor. Saint-Brieuc. 1990
• (br)Erwan Vallerie : Diazezoù studi istorel an anvioù-parrez. Corpus. An Here. 1995