Amman

Amman

Amman (عمان ʿAmmān en arabeg) eo kêr-benn rouantelezh Jordania. War-dro 2 125 400 a annezidi a oa enni e 2005 ; ha kêr vrasañ Jordania eo.

Ober a reer anv eus Amman er Bibl, gant an anv "Rhabbat Ammon". Aspadennoù eus an Henamzer gresian ha roman zo eno hiziv c'hoazh : brudet eo c'hoariva roman kreiz kêr da skouer. Da vare ar Romaned e veze graet "Philadelphia" anezhi.

Goude mare an Impalaeriezh roman e teuas Amman da vezañ ur gêr hep kalz a bouez. Goude ar Brezel-bed kentañ, pa oa Jordania dindan beli ar Rouantelezh Unanet, e teuas da vezañ ur gêr vras en-dro. Hag e 1946 e teuas da vezañ kêr-benn ar stad dizalc'h nevez.

Kreskiñ a reas kalz an niver a dud en Amman, goude ar brezelioù etre Israel hag ar broioù arab e 1948, 1967, ha 1973, gant an niver bras a repuidi palestinat a erruas e kêr. E 1970 e voe emgannoù er straedoù etre ar repuidi-se ha nerzhioù polis hag arme Jordania.

Gevelliñ

Gevellet eo Amman gant :

Pretoria (Suafrika) Alger (Aljeria) Jeddah (Arabia Saoudat) Bakou (Azerbaidjan) Sarajevo (Bosnia-Herzegovina) São Paulo (Brazil) Sofia (Bulgaria) Beijing (Sina) Kaero (Ejipt) Chicago (Stadoù-Unanet) Miami (Stadoù-Unanet) Tegucigalpa (Honduras) Baghdad (Irak) Kalabria (Italia) Milano (Italia)

Bichkek (Kirgizstan) Beirout (Liban) Rabat (Maroko) Nouakchott (Maoritania) Masqat (Oman) Islamabad (Pakistan) Doha (Katar) Bucarest (Roumania) Moskou (Rusia) Naltchik (Rusia) Khartoum (Soudan) Tunis (Tunizia) Ankara (Turkia) Sana'a (Yemen)