Beirout

Beirout (بيروت, en arabeg, treuzlizherennet Bayrūt) eo kêr-benn Liban, ha kêr vrasañ ar vro-se. 363 033 a dud zo o chom eno (2015) ha marteze tost da 2 vilion gant an trowardroioù, o vodañ tost 50% eus poblañs ar vro. 5000 bloazh eo ar gêr, unan eus koshañ er bed.

Sez ar gouarnamant eo. Ur greizenn a bouez evit ar c’henwerzh hag ar bankoù e oa er Reter-Nesañ a-bezh araok ar brezel diabarzh a c'hoarvezas etre 1975 ha 1990. Hiziv eo en ur blegenn diaes c'hoazh ar gêr hag ar vro, war dachenn an armerzh koulz hag ar politikerezh. Div darzhadenn a c'hoarvezh e porzh Beirout d'ar 4 a viz Eost 2020, o tistrujañ ar porzh hag an trowardroioù. 2750 ton a nitrat amoniom a vijet kaoz d'an dra-se hervez ar pennadurezhioù libanat.