AK-74
Evit implijoù all, gwelet Kalachnikov.
| Avtomat Kalachnikova 74 | |
|---|---|
 Ur fuzuilh-arsailh AK-74 | |
| Kinnig | |
| Bro |  URSS
|
| Doare | Fuzuilh-arsailh damaotomatek/aotomatek |
| Mont en-dro | Tennata dre amprest-gazoù, piston |
| Munisionoù | 5,45 × 39 mm M74 |
| Ijiner | Mic'hail Kalachnikov |
| Mare produiñ | Abaoe 1974 Stumm AK-74 M : abaoe 1991 |
| Niver produet | Ouzhpenn 5.000.000 |
| Pouez ha muzulioù (stumm orin) | |
| Mas (hep kartouchenn, gant he c'harger) | 3,300 kg |
| Hirder | 943 mm |
| Hirder ar c'hanol | 415 mm |
| Perzhioù all | |
| Hed-tenn pleustrek | Etre 200 ha 400 m |
| Tizh mont e-maez ar boledoù | 890 m/s |
| Lusk-tennañ teorikel | 650 tenn/mn |
| Lusk-tennañ pleustrek | 100 tenn/mn |
| Endalc'h | Karger fiñv 30 pe 45 kartouchenn, karger fiñv ront 60 pe 96 kartouchenn |
| Adstummoù | AKS-74, AK-74M |
| Lezenn | |
| Rummad e Bro-C'hall | A |
An AK-74 (e rusianeg Автомат Калашникова образца 1974 года pe "Kalashnikov fuzuilh aotomatek stumm 1974") a zo ur fuzuilh-arsailh savet gant an ijinour brudet Mic'hail Kalachnikov e penn-kentañ ar bloavezhioù 1970.
Deskrivadur
[kemmañ | kemmañ ar vammenn]Er bloavezhioù 1950 ha 1960 e rae ar braz eus fuzuilhoù an armeoù gant kalibroù bras : 7,62 × 51 mm evit broioù AFNA pe 7,62 × 54 mm evit reoù Pakt Varsovia. Er bloavezhioù 1970 e voe dibabet kalibroù bihanoc'h evit skañvaat an dafar douget gant ar soudarded ha talañ gwelloc'h ouzh endroioù emgann ar mare-se, janglennoù ha kêrioù. Broioù AFNA a zibabas ar 5,56 × 45 mm ; kement-mañ a voe graet gant ar Soviediz a savas kartouchennoù nevez 5,45 × 39 mm[1].
Evit ar munisionoù-mañ e voe kempennet an AKM (bet dija un adkempenn eus an AK-47) ha ganet an AK-74. Chom a ra tost an AK-74 d'an AKM rak 50% eus he fezhioù a zo heñvel-rik hag a c'hell bezañ eskemmet an eil gant egile. Ar starderez war veg he c'hanol a zo brasoc'h. Tizh he boledoù V0 a zo war-dro 900m/s, kalz uheloc'h evit hini un arm e 7,62 mm[1].
E-pad brezel Afghanistan e voe implijet an AK-74 evit war wech kentañ. Goude-se e servijas e brezelioù e Tchetchenia, Irak pe Siria da skouer, etre daouarn an armeoù pe strolladoù nann-gouarnamantel. Implijet e vez c'hoazh e reter an Europa, e Mongolia, gant strolladoù stourm begenn Korea an Norzh pe c'hoazh troadegiezh morlu poblel ar Vietnam. E deroù aloubadeg Ukraina gant Rusia e miz C'hwevrer 2022 ez eus bet roet miliadoù a skouerennoù eus an arm gant gouarnamant Ukraina d'ar re a felle dezhe difenn o bro. Implijet e vez an AK-74 gant an daou du er brezel-mañ[2]. Hiziv an deiz e vez produet c'hoazh gant an embregerezh armoù Izmash ha kopiennoù a vez graet dindan lisañs e Bulgaria.
Tro-dro d'an AK-74
[kemmañ | kemmañ ar vammenn]Ar CIA a oa prest da reiñ 5000 a zolarioù US evit ar re gentañ a AK-74 tapet gant ar re mujahadin ha roet dezhi e-pad brezel Afghanistan. [3]
Liammoù diavaez
[kemmañ | kemmañ ar vammenn]
- (ru) Diell teknikel an AK-74.
- (fr) Kinnig un adstumm eus an AK-74 war ar chadenn Maître Luger, 26/10/2021
Daveennoù
[kemmañ | kemmañ ar vammenn]- ↑ 1,0 ha1,1 (fr) McNAB Chris, Armes à feu Encyclopédie visuelle, L'Imprévu, 2024, p. 166
- ↑ (en) GIDDINGS Caleb, The guns of the ukrainian army, war ar blog Free Range America, 23/03/2022 (lennet d'an 01/02/2024)
- ↑ Chivers, C. J. (12 October 2010). The Gun. Simon & Schuster. 382–383 p. ISBN 978-1-4391-9653-3.
