Pakt Varsovia

Arouez ar Pakt

Pakt Varsovia^{(Daveoù a vank)} pe Emglev Varsovia eo an anv boas a vez graet eus ar Feur-emglev mignoniezh, kenlabour ha kenskoazell, anezhañ ur feur-emglev arme etre 8 stad komunour eus Kreiz ha Retereuropa da vare ar Brezel Yen. Sinet e oa bet e Varsovia, kêr-benn Polonia, d'ar 14 a viz Mae 1955, war atiz an URSS. Ur respont e oa krouidigezh ar pakt-se d'an AFNA (NATO), a oa o paouez ebarzhañ Alamagn ar C'hornaoueg. Divodet eo bet d'ar 1añ a viz Gouhere 1991 e Praha.

NATO (glas) a-dal da Bakt Varsovia (ruz), betek 1990.

Ar sinerien

Sinet e oa bet gant eizh bro:

• Unaniezh ar Republikoù Sokialour Soviedel
• Republik Pobl Sokialour Albania, kuitaet ganti an aozadur e 1968
• Republik Pobl Bulgaria
• Republik Sokialour Roumania
• Republik Pobl Hungaria
• Republik Pobl Polonia
• Republik Sokialour Tchekoslovakia
• Republik Demokratel Alaman (RDA), ebarzhet e 1956.