Anvioù-badez brezhonek

An anvioù-badez brezhonek zo meur a seurt anezho.

Seurtoù anvioù

• Da gentañ ar re zo gwir anvioù-badez : Yann, Tangi, Frañsez, Roparzh, Lusia, Juluan, Filomena,

• Da eil stummoù bihanaet evel Fañch, Soaig, Soaz, Jañmai, Marjan, Loull, Biel, Pipi, Job, Jos, Nol, ha nouspet all.

Kent an XXvet kantved ne oa ket nec'het ar bobl gant an traoù skrivet. Ar re ne ouient ket lenn ne ouient ket pe anv e oant lakaet en ti-kêr, ha ne gave ket dezhe o doa ezhomm da c'houzout.

Orin

An anvioù-badez brezhonek zo anvioù a orin liesseurt:

• a orin keltiek, da-heul anvioù ar sent vrezhon, evel Tangi, Ronan, Herve, Konan, Nolwenn, Derc'hen Riwanon;
• a orin hebreek evel Yann, Jakez, Mari, Mazhev, Mikael, Jozeb, Deniel,
• a orin germanek, evel Roparzh, Loeiz, Bernez, Charlez,
• a orin latin, evel Lusia, Marzhin, Gregor, Anton, Pêr,
• a orin gallek, evel Janed, Dominig.
• a orin italianek, evel Frañsez.

An anvioù a orin keltiek

Peurvuiañ int anvioù brezhonek o tont eus anvioù sent vrezhon: Tangi, Maloù ... A-wechoù e c'hallont bezañ anvioù iwerzhonek, evel Ronan, Brendan. Ar re-se eo ar re a vez roet stankoc'h bremañ, hervez un doug nevez d'ar geltelezh pe d'ar gwrizioù istorel breizhek.

A-wechoù e soñj d'an dud int keltiek pa n'int ket, evel an anvioù Enora ha Padrig, a orin latin. Met an anvioù-tud zo evel ar gerioù: n'eo ket peogwir n'int ket keltiek n'int ket brezhonek, ha brezhonekaet int bet abaoe 13 pe 14 kantved, tre evel ma'z eo bet iwerzhonekaet an anv Padraig, pe saoznekaet an anvioù a orin latin Anthony, Lucy, Martin, evel a c'hoarvezas en holl yezhoù Europa.

An anvioù a orin hebreek

Deut int dre ar Bibl, hag ar skridoù relijiel.

An anvioù a orin germanek

Deut int dre ar galleg, diwar an hengoun frankek diazezet pe e Breizh Uhel, pe en Anjev, pe e Normandi.

Kevredigezh

Enebiezh ouzh an anvioù-badez brezhonek

• Ne blij ket d'ar stad c'hall na d'ar gelennerien war ar gwir anvioù-badez brezhonek zo.

Pennad kar

• Roll an anvioù-badez brezhonek.

Levrlennadur

• Mikael Madeg, P. Pondaven, Y. Riou, Anoiou badiziant Bro Leon, Saïg, Rozali hag ar re all..., Emgleo Breiz, Sant-Tounan, 2006
• Gwennole Le Menn, Grand choix de prénoms bretons, Coop Breizh.
• Gwennole Le Menn, Les noms de famille les plus portés en Bretagne (5000 noms étudiés), Coop Breizh.
• Gilles et Bleuzen Du Pontavice, Les prénoms en Bretagne, Ouest-France, 1999.
• Albert Deshayes, Le petit livre des prénoms celtiques et bretons, Chasse-marée, Douarnenez, 2007.
• Alain Stéphan, Tous les prénoms bretons, Gisserot.

Liamm diavaez

• http://www.ieo-oc.org/Des-prenoms-contexte-legal-en