The Lay of Aotrou and Itroun

The Dedication
("An emouestladur")
gant Edmund Blair Leighton
(1823-1922)

The Lay of Aotrou and Itroun zo ur varzhoneg saoznek, 508 gwerzenn enni, bet aozet gant John Ronald Reuel Tolkien e 1930, hag embannet e miz Kerzu 1945.
Souezhiñ a c'haller o lenn ar gerioù « Aotrou » hag « Itroun » . Savet eo an oberenn diwar skouer al « lai breton », anavezet e krennsaozneg. Kaoz zo enni eus ar bec'h a sav etre talvoudoù harozel ar varc'hegiezh ha re ar gristeniezh, diwar-bouez ar briedelezh paneveken.

Istor

D'an 23 a viz Gwengolo 1930 ez echuas J. R. R. Tolkien skrivañ kentel gentañ The Lay of Aotrou and Itroun. War-dro dibenn ar bloavezh 1941 e labouras ar varzhoneg adarre, hag e miz Even 1945, pa oa o seveniñ ur gefridi ag enseller e Skol-veur Aberystwyth (Kembre) e kinnigas an doare nevez d'e vignon Gwyn Jones, en embannas e The Welsh Review, levrenn IV, niv. 4, pp. 254-266, miz Kerzu 1945.

Danvez

Diwar patrom laeoù Breizh eo savet, ar pezh n'eo ket souzhus a-berzh J. R. R. Tolkien pa veze ar stumm-se erru mat e lennegezh krennsaoznek an XIIvet kantved.
Kalon an oberenn eo ar c'henniñv etre talvoudegezhioù ar varc'hegouriezh ha re ar gristeniezh, gwelet dre o doare da sellet ouzh an eured er gevredigezh.

Divugel eo ar c'houblad noblañsoù breizhat Aotrou hag Itroun, setu e ya Aotrou da glask sikour digant ur sorserez. E-kerzh gwilioud Itroun e teu ar sorserez davet Aotrou, e stumm ar Gorriganez, da c'houlenn karantez Aotrou da c'hopr. Dibab a ra Aotrou terriñ e lavar dre aberzhiñ e enor a varc'heg ha sevel a-du gant talvoudegezhioù ar Gristeniezh.

I gave no love. My love is wed; my wife now lieth in child-bed, and I curse the beast that cheated me and drew me to this dell to thee.

Karantez ebet ne rois. Euredet eo ma c'harantez ; emañ ma gwreg gourvezet o c'henel bugel, ha mallozhiñ a ran al loen am zouellas pa 'm sachas en draoñienn-mañ betek ennout.

Dre vallozh ar Gorriganez emañ Aotrou dleet da vervel a-barzh tri devezh. Ensammañ a ra Aotrou heuliad e zisentez, ha fiziout er Ragevezh :

In three days I shall live at ease and die but when it God doth please in eld, or in some time to come in the brave wars of Christendom.

A-benn tri devezh e vevin em aez ha ne varvin nemet pa blijo da Zoue er gozhni pe d'ur c'houlz da zont e kadoù kalonek ar Gristeniezh.

Tri devezh war-lerc'h ez a Aotrou da Anaon, mervel a ra e wreg c'hlac'haret, ha beziet int kevret ; ne welont ket o bugel o kreskiñ eta.

Daveennoù

• Christina Scull & Wayne G. Hammond, The J.R.R. Tolkien Companion and Guide, 2006, Houghton Mifflin :
  

Levrenn 1 : Chronology, 1020 p., ISBN 978-0-618-39102-8

Levrenn 2 : Reader's Guide, 1280 p., ISBN 978-0-618-39101-1

• Un embannadur divyezhek (saozneg / serbeg-kroateg) : Pesma o Otruu i Itrun, 2002, ISBN 978-86-902829-3-7