Enez Rodos

Amañ emañ Enez Rodos

Monet e kêr Rodos - Gres- Here 2001

Enez Rodos pe Rodez (e gresianeg Ρόδος Ródos, Rodos ivez e turkeg) a zo un enezenn er Mor Kreizdouarel, perc'hennet gant Bro-C'hres.

Emañ e gevred Mor Egea, 17,7 km eus Turkia, etre Bro-C'hres ha Kiprenez. E 2004 e konted 100 000 a dud o chom enni.

Kêr Rodos

« Rodos » a zo ivez anv kêr vrasañ ha kêr-benn an enez, enni etre 50 000 ha 60 000 a dud o chom.

• Ramz Rodos a oa un delwenn ramzel e toull-porzh kêr Rodez hag a oa unan eus seizh Marzh ar Bed.

• Apollonios Rodos a oa ur barzh eus an Patrom:IIIde kantved a-raok JK.

Istor

Kêr nevez Lindos hag an Akropolis

Adalek oadvezh ar maen e oa tud en enez.

E 322 kent Jezuz-Krist e voe staget Rodez ouzh impalaeriezh Aleksandr Veur. War-lerc'h e varv e chomas darempredoù stank etre Rodos ha rouantelezh ar Btolemeed a oa o ren en Egipt.

E 164 kent Jezuz-Krist e voe sinet un emglev gant kêr Roma.

Er I-añ kantved e teuas an abostol Paol da brezeg an aviel di.

Etre 1307 ha 1522 e oa diaezet Urzh Malta en enezenn. Gant soudarded an urzh e voe aloubet an enezenn etre 1307 ha 1310. Pezhioù mogerioù a weler hiriv c'hoazh a voe savet en-dro d'ar gêr.

E goueled-kêr emañ ar c'hollachion, m'edo palez mestr-meur an Urzh, hag an tier-herberc'h, ma veze annezet soudarded an urzh a deue eus Kornôg Europa da stourm a-enep Muzulmaned Palestina.

Seziz a voe laket war gêr Rodez e 1480, hogen ne voe ket aloubet gant Turked Soleiman a-raok 1522, war-lerc'h ur seziz a bemp miz.

E 1912 eo Italia a lakaas he c'hrabanoù war an enezenn a oa e dalc'h an Durked. Abaoe 1948 emañ e Bro-C'hres.

Palez ar Priñs Mestr-meur an Urzh - Rodez Photo:G Larson

Tud

• Mentor Rodos (Μέντωρ ὁ Ῥόδιος), goprsoudard.

Liammoù diavaez

• Rhodes ;