Einsteiniom

Eus Wikipedia
Mont da : merdeiñ, klask
E I N S T E I N I O M Radiation warning symbol.svg
0 0 0 0 0 0 0 0
KaliforniomEinsteiniomFermiom
Ho
Es
taolenn beriodek, einsteiniom
Perzhioù hollek
Niver atomek 99
Rummad kimiek Aktinidoù
Strollad, trovezh, bloc'h Aktinidoù, 7, f
Tolz atomek 252,083 u
Aozadur elektronek
[Rn] 5f11 7s2

Dasparzh an elektronoù
dre liveoù gremm :
2, 8, 18, 32, 29, 8, 2

Electron shell 099 Einsteinium - no label.svg
Perzhioù atomek
Niver oksidadur + 2, + 3, + 4
Tredanleiegezh 1,30 (skeul Pauling)
Gremmoù ionadur 1 : 619,435 kJ/mol

2 : 1 157,823 kJ/mol

Skin atomek 245 pm
Skin kenamsav 165 pm
Skin Van der Vaals (stlenn ebet)
Perzhioù fizikel
Arvez Kaled
Douester (20 °C) 8,84 g/cm3
Teuzverk 860 °C
Bervverk (stlenn ebet)
Tredanharzusted (stlenn ebet)

Un elfenn gimiek treuzuraniat skinoberiek eo an einsteiniom ; Es eo e arouez kimiek, 99 e niver atomek ha 252,083 e dolz atomek.
An unnekvet aktinid eo e taolenn drovezhiek an elfennoù kimiek.

Istor[kemmañ]

D'an 11 a viz Du 1952 e lakaas Stadoù-Unanet Amerika ar c'hentañ bombezenn gwrezderc'hanel da darzhañ war atoll Enewetak en Inizi Marshall. Darbodoù a voe dastumet war un atoll amezek ha kaset da Skol-veur Kalifornia e Berkeley evit ma vijent dielfennet, ar pezh a voe graet gant Gregory Choppin, Stanley Thompson, Albert Ghiorso ha Bernard Harvey. War-dro 200 atom eus un elfenn nevez a gavjont e-kerzh ar mizvezh kentañ, met e 1955 hepken ez embannjont disoc'h o labour.
Atomoù uraniom o devoa paket trawalc'h a neutronoù evit tremen da galiforniom, ha hemañ en devoa digevanet da reiñ izotop 253 an elfenn 99 :

238 U + 15 n
————→
6 β
253 Cf β
————→
6 β
253 Es
92 98 99

E 1961 e oa bet dastumet trawalc'h eus an elfenn evit ma c'hallas ar skiantourien sellet outi gant o daoulagad hag he fouezañ : war dro 10 µg.

En enor da Albert Einstein e voe roet an anv einsteinium d'an elfenn 98.

Perzhioù[kemmañ]

Ur metal blot liv an arc'hant eo an einsteiniom. Tost da hini e amezeg an aktinid 98Cf eo e deuzverk, ha tost da hini e amezeg al lantanid 67Ho eo e deuzverk. Ken kreñv eo e skinoberiegezh m'en em zistruj buan an elfenn en ur vannañ kalz gremm, el laka da lugerniñ.

Douester
(g/cm3
Teuzverk
(°C)
Bervverk
(°C)
Tredanharzhusted
(µΩ•m, e 20 °C)
98Cf 14,790 900 1 745  ?
Einsteiniom 8,840 860  ?  ?
67Ho 8,797 1 472 2 700 814
100Fm 15,100 1 527  ?  ?

Kewarellek eo an einsteiniom, da lavaret eo e tro da warell pa vez lakaet en ur gwarellvaez diavaez.

Kimiek[kemmañ]

Evel an holl aktinidoù e tazgwered 99Es gant an halogenoù. N'eus ket bet tro da studiañ an elfenn pelloc'h, en abeg d'e rouezded ha d'e skinoberiegezh el laka buan da dreiñ da verkeliom-249 goude 20 devezh, ha da galiforniom-249 war-lerc'h :

253 Es α
————→
20 d.
249 Bk β-
————→
330 d.
249 Cf
99 97 98

Izotopoù[kemmañ]

Naontek izotop eus einsteiniom ha tri izomer derc'hanel zo anavezet, eus 240Es betek 258Es.

Izotopoù stabilañ an einsteiniom
Izotop  % en natur Hanter-vuhez Digevanidigezh

252Es

kevanaozet

471,7 devezh

α248Bk
ε252Cf
β-252Fm
253Es kevanaozet 20,47 devezh α → 249Bk

254Es

kevanaozet

275,7 devezh

α → 250Bk
ε254Cf
β-254Fm

255Es

kevanaozet

39,8 devezh

α251Bk
β-255Fm
Es-253 kalet (~300 mg)
o lugerniñ dre skinoberiegezh

Kenderc'hadur[kemmañ]

En Oak Ridge, ~10 g a guriom skinataet a ro ~0,1 g a galiforniom 249Cf, ~0,001 g (1 mg) a verkeliom 249Bk hag a einsteiniom (Es-249, Es-250, Es-251 hag Es-252) kent reiñ ~0,000000000001 g (10-12 g, 1pg) a fermiom.[1]

EsF3 + 3 LiEs + 3 LiF

met didalvez a-walc'h eo, rak abalamour d'e skinoberiegezh ha d'e deuzverk izel e tro buan Es da vurezh. Efedusoc'h eo kenderc'hañ einsteiniom diwar e stumm oksidet (III) gant lantanom metalek :

Es2O3 + 2 La → 2 Es + La2O3

Arver[kemmañ]

Hini ebet, war-bouez an enklaskoù skiantel a-benn kenderc'hañ elfennoù kimiek all.

Notennoù[kemmañ]

  1. GREENWOOD Norman N., Chemistry of the Elements

Daveennoù[kemmañ]

Liammoù diavaez[kemmañ]


Kimiezh | Elfennoù kimiek

Rolloù hervez an arouez ~ hervez an anv ~ Taolenn beriodek
Taolennoù an izotopoù rannet ~ klok

Dmitriy Mendeleyev ~ Ernest Rutherford