Agamemnon

Agamemnon en e goazez, e vazh-roue en e zorn, tamm eus golo ul lekanis attek dremmoù ruz warnañ, v. 410-400 kent JK, Mirdi Broadel Hendraouriezh Tarenta

Agamemnon (Ἀγαμέμνων}} / Agamémnôn, « divrall, pennek » e gregach), a oa roue Argos, hag unan eus harozed brezel Troia.

E dud

Mab Atreüs, roue Mikene (pe Argos) hag ar rouanez Erope e oa, ha breur Menelaos. Hervez mamennoù all e vefe mab Pleisthenes (a oa mab pe tad Atreüs), a vije bet kentañ pried Erope.

Mojenn

War-lerc'h muntr Atreüs gant Aigistos ha Thyeste, a gemeras penn rouantelezh Argos, e voe ret da Agamemnon ha Menelaos kemer hent an harlu. Repu a gavjont e ti Tyndare, roue Sparta, ha dimeziñ a rejont gant e verc'hed, Klitemnestra hag Elena.

Teir merc'h en do Agamemnon gant e wreg: Ifigeneia, C'hrisotemis, ha Laodike (diwezhatoc'h e voe lakaet Elektra er vojenn, hag ur mab, Orest).

Maskl mikenaiat , anvet « maskl Agamemnon », XVIvet kantved kent JK , Mirdi Broadel Hendraouriezh Aten.