Klytaimnestra

Eus Wikipedia
Mont da : merdeiñ, klask
Pierre-Narcisse Guérin, Muntr Agamemnon, deroù an XIXet kantved, Mirdi al Louvre

Klytaimnestra pe Klitaimnestra [1], er vitologiezh c'hresian, eo anv unan eus merc'hed Tindareos ha Leda. C'hoar Elena, Kastor ha Polideükes eo.

Eureudiñ a reas gant Agamemnon, roue Mikenai ha breur Menelaos, roue Sparta. Pevar bugel he deus bet : Ifigeneia, Krisotemis, Orestes, hag Elektra. Aberzhiñ a reas Agamemnon e verc'h Ifigeneia, broudet gant an doueez Artemis, evit kavout avel a-walc'h da vont da Droia. Da-heul an dra-se, Klytaimnestra a gemeras ur serc'heg anvet Aigistos ha pa zeuas he fried Agamemnon en-dro goude Brezel Troia e savas un irienn evit lazhañ anezhañ. Hi pe he serc'heg Aigistos a vuntras Agamemnon pa oa o kibellat, gant e serc'h Kasandra.


Lazhet e vo d'he zro gant he mab Orestes, un nebeud bloavezhioù war-lerc'h.

Arzoù[kemmañ]

Notennoù[kemmañ]

  1. en henc'hresianeg Κλυταιμνήστρα, Klutaimnếstra, diwar κλυτός, klutós, « brudet, anavezet » (brezhoneg klod(-us)) ha μνάομαι, mnáomai, « klask, pleustriñ »