Dioskured

Eus Wikipedia
Mont da : merdeiñ, klask
Kastor ha Polideükes e liorzh Palez Versailhez.
Gwallidigezh merc'hed Leukippos, livet gant Rubens

Kastor (Κάστωρ/ Kástôr, e gregach) ha Polideükes (Πολυδεύκης, Polydeúkês), zo daou vreur, anvet ivez an Dioskured (Διόσκουροι/Dioskouroi, da lâret eo « Mibien Zeus »), e mojennoù Hellaz kozh. Gevelled int, mibien da Leda, ha breudeur da Elena, plac'h brezel Troia, ha da g-Klitaimnestra.

Mojenn[kemmañ]

Ganet int bet e Sparta gant Leda. Hervez Homeros ez int mibien da d-Tindareos o-daou.

Desket o deus da Herakles an doare da embregañ ar c'hezeg ha d'en em gannañ gant armoù. Kemer a reont perzh en ergerzhadenn an Argonaoted hag e chaseadenn war-lerc'h hoc'h-gouez Kaludon. En em gaañ a reont ouzh Teseüs en devoa skrapet o c'hoar Elena. Skrapañ a reont merc'hed Leükippos, Febe, merc'h da Leükippos hag he c'hoar Hilaeira, hag en emgannañ ouzh o c'hendirvi Idas ha Lynkeüs an Argonaot, a varv en emgann , ha Kastor da-heul.

Mervel a reont o-daou etre skrapadenn Elena hag an dekvet bloavezh seziz war Droia (Ilias, III, 236–244). Lakaet int da zoueed goude-se.

Azeulerezh[kemmañ]

E Sparta emañ al lec'h pennañ ma vezont azeulet. Pindaros a rae anezho « Merourien Sparta » (ταμίαι Σπάρτας, tamiai Spartas, Xet telenngan nemean, 52). Daou int evel rouanez Sparta. Gwareziñ a reont arme ar geodediz a gas atav d'ar brezel un hollad div vazh liammet etrezo hag anvet δόκανα, dokana en henc'hresianeg (diwar δοκός, dokos, an hordenn, ar varrenn)

Azeulet e vezont ivez en Olimpia hag en Aten e lec'h ma vezont anvet Ἄνακες (Anakes en henc'hresianeg, furm gozh eus al liester ἄναξ, anax, « an aotrou »), hag e Samotrake e lec'h ma vezont lesanvet Κάϐειροι (Kabeiroï).

Diwanañ a reas azeulerezh Kastor ha Polideükes e Tusculum hag e Roma ivez. E 484 kent J.-K. e oa savet un templ evite war forom Roma evit trugarekaat anezho eus o skoazell e kombat al lenn Regille. Alies e vez dalc'het bodadennoù ar sened eno.

Tetradrakm arc'hant eus ar roue gresian-ha-baktrian Eukratides I (171-145 kent J.-K.) gant an Dioskouroi.
Tu kroaz: Penn Eukratides I. Tokarn kinklet gant kerniel ha divskouarn tarv.
Tu pil: An Dioskouroi, Pep hini o terc'hel ur barr palmez en dorn kleiz, ur speg en dorn dehou. enskrivadenn : BASILEOS MEGALOI EUKRATIDOI "Roue bras Eukratides".


An Dioskouroi war ur pezh moneiz eus an impalaer roman Maxentius
An Dioskured , delwenn e kannati Alamagn e Sant Petersbourg e 1913

Commons
Muioc'h a skeudennoù diwar-benn

a vo kavet e Kerandafar.