Somalia

Jamhuuriyadda Federaalka Soomaaliya جمهورية الفدرالية الصومال (Jumhūriyyat aṣ-Ṣūmāl) Republik Kevreadel Somalia
Banniel Skoed-ardamez
Kan broadel: Soomaaliyeey Toosoow Somalia, Dihun
Lec'hiadur Somalia
Kêr-benn (ha kêr vrasañ)	Muqdisho 2°02′N 45°21′R
Yezh(où) ofisiel	Somalieg
Gouarnamant	gouarnamant da c'hortoz
- Prezidant	Mohamed Abdullahi Mohamed
- Kentañ ministr	Mohamed Hussein Roble
Gorread
- Hollad	637 661 km² (42vet)
- Dour (%)	1,6%
Poblañs
- istimadur 2007	9 118 773 ()
- Stankter	13/km² (198vet)
Moneiz	Shilling Somalia (SOS)
Gwerzhid-eur	(UTC+ 3)
- Hañv (Eur hañv)	(UTC+ 2)
Kod kenrouedad	.so
Kod pellgomz	+252

Somalia (Soomaaliya e somalieg), ent-hir Republik Kevreadel Somalia, zo ur vro eus Korn Afrika e reter ar c’hevandir-se. En-dro dezhi emañ Djibouti er gwalarn, Etiopia er c’hornôg, Kenya er mervent, gant Meurvor Indez er reter ha Pleg-mor Aden en hanternoz.

En amzer an trevadennerezh e oa ar su, Somalia italian, etre daouarn Italia hag an norzh, Somaliland, etre krabanoù Breizh-Veur. Dont a reas Somalia (italian) da vezañ dizalc’h d’ar 1añ a viz Gouere 1960. D’an deiz-se ivez e voe unanet gant Somaliland, a oa o paouez gounit he dizalc’hted d’ar 26 a viz Mezheven 1960.

Stad Somalia hiziv zo gwall vresk he galloud. Evit gwir n’eus anezhi nemet war baper : anavezet eo ar gouarnamant en estrenvro, met n’en deus tamm krog ebet war lodennoù bras eus ar vro.

E meur a gorn emañ ar galloud etre daouarn gouarnamantoù lec’hel : Puntland, Maakhir, Galmudug, ha Joubaland a anzav dreistbeli ar gouarnamant kreiz, hogen Somaliland he deus embannet e oa distag bremañ diouzh Somalia.

Al lodenn eus ar vro zo meret gant ar gouarnamant kevreadel da c’hortoz

Er c’hreisteiz eo gwan mestroni ar gouarnamant war ar vro e gwirionez, ha strolladoù armet a bep seurt a vez o’n em gannañ da astenn o galloud, abaoe dibenn ar bloavezhioù 1980 hag abaoe m’eo bet diskaret ar prezidant kozh Maxamed Siyaad Barre e 1991.

E dibenn 2006 e oa bet aloubet ar vro gant arme Etiopia evit adsevel an urzh hag ar peoc’h, met kenderc’hel a ra an emgannoù er vro, bet aloubet gant hec’h amezegez vras.

Skeudennoù

• 
  groc'hioù Laas Geel
• 
  ur c'hañval,
  menezioù Ogo
• 
  Gondershe
• 
  kreiz-kêr Muqdisho

Stadoù Afrika

Aljeria • Angola • Aod an Olifant • Benin • Botswana • Burkina Faso • Burundi • Djibouti • Egipt • Eritrea • Eswatini • Etiopia • Gabon • Gambia • Ghana • Ginea • Ginea-Bissau • Ginea ar C'heheder • Kab Glas • Kameroun • Kenya • Komorez • Republik Kongo • Republik Demokratel Kongo • Republik Kreizafrikan • Lesotho • Liberia • Libia • Madagaskar • Malawi • Mali • Maouritania • Maroko • Mozambik • Maoris • Namibia • Niger • Nigeria • Ouganda • Rwanda • São Tomé ha Príncipe • Senegal • Sechelez • Sierra Leone • Somalia • Soudan • Soudan ar Su • Suafrika • Tanzania • Tchad • Togo • Tunizia • Zambia • Zimbabwe

Tiriadoù dalc'het
Ceuta • Inizi Kanariez • Madeira • Melilla • Mayotte • Reünion • Saint Helena • Inizi Tchagos

Broioù ha n'int ket anzavet gant an holl
Azawad • Sahara ar C'hornôg • Somaliland