Revolver d'ordonnance modèle 1873
| Revolver d'ordonnance modèle 1873 | |
|---|---|
 Ur Revolver d'ordonnance modèle 1873 | |
| Kinnig | |
| Bro orin |  Frañs
|
| Doare | Revolver |
| Mont en-dro | Platinenn un-ober / daou-ober |
| Munision | 11 mm modèle 1873 |
| Produer | Manufacture d'Armes de Saint-Étienne |
| Mare produiñ | 1873-1886 |
| Niver produet | 388.105 |
| Mare servij | 1873 - bloavezhioù 1940 (Bro-C'hall) |
| Pouez ha muzulioù | |
| Pouez (hep kartouchenn) | 1,22 kg |
| Hirder | 242 mm |
| Hirder ar c'hanol | 115 mm |
| Perzhioù teknikel | |
| Endalc'h | Taboulin 6 tenn |
| Lezenn | |
| Rummad e Bro-C'hall | B |
Ar revolver d'ordonnance modèle 1873, anvet ivez Chalmot-Delvigne diwar anvioù e ijinourien, a voe revolver standart an arme c'hall eus 1873 betek ar bloavezhioù 1890, pa voe kemeret e blas gant ar revolver Modèle 1892. Servijout a reas e gwirionez betek an Eil Brezel-bed e strolladoù 'zo eus an arme. Produet e veze gant ar Manufacture d'Armes de Saint-Étienne.
Istor ha teknik
[kemmañ | kemmañ ar vammenn]Goude ar brezel kollet a-enep Prusia (1870-1871) e tivizas Frañs reneveziñ hec'h armoù standart. Goude amprouennoù e 1871-1872 e voe choazet e miz C'hwevrer 1873 ur revolver savet e Belgia gant an embregerezh Pirlot Frères hag ijinet gant Jean Chamelot hag Henri-Gustave Delvigne. Ur blatinenn un-ober ha daou-ober en doa, hag un daboulin ennañ kambroù evit 6 kartouchenn poultr du er c'halibr 11 mm.
_with_a_Chamelot_Delvigne_revolver,_primitive_gas_mask_(in_this_case_a_cloth_mask_and_goggles_soaked_with_chemicals)_and_dagger_(1915,_colorized).jpg)
Ouzhpenn 388.000 skouerenn eus an arm a voe produet etre 1873 ha 1886 gant ar MAS e Saint-Étienne[1]. Daou adstumm nes a gaver :
- ar 1873 M, urzhiet da 13.188 skouerenn gant ar Morlu e 1877, kambret evit ar munision 12 mm implijet gantañ[2].
- ar 1874, ur stumm skañvaet ha berroc'h evit an ofiserien[3].
Implij
[kemmañ | kemmañ ar vammenn]Brudet e oa an arm evit bezañ fiziapl ha savet mat, met mankout a rae galloud d'e vunision 11 mm. Ur mouchouer kelenn (niverenn 1bis) a voe savet evit deskiñ ar soudarded war e zornata hag e gempenn, Daoust dezhañ bezañ kemeret e blas en arme c'hall adalek 1892 gant ur revolver all, ar Modèle 1873 a chomas implijet e-pad ar Brezel-bed Kentañ. Daoust d'e gartouchenn giz-kozh hag abalamour d'ar vank a armoù e voe roet da soudarded 'zo er c'hanolierezh hag er pourveziñ e 1940 c'hoazh. Goude an Eil Brezel-bed e servijas c'hoazh e trevadennoù Frañs 'zo[4] hag e servijoù gall evel an Eaux et Forêts er bloavezhioù 1950[1].
Levrlennadur
[kemmañ | kemmañ ar vammenn]- (fr) BASTIÉ Jean-Pierre, Le revolver Chamelot-Delvigne, Crépin-Leblond, 2018, 268 p., ISBN 9782703004424
Liammoù diavaez
[kemmañ | kemmañ ar vammenn]- (fr) Le Revolver d'ordonnance Français modèle 1873, ul lec'hienn savet gant ar Gall Quentin Joubert war an arm hag e stummoù deveret
Daveennoù
[kemmañ | kemmañ ar vammenn]- ↑ 1,0 ha1,1 (fr) JAUBERT Quentin, Le Revolver d'ordonnance Français modèle 1873 (lennet d'ar 27/12/2024)
- ↑ (fr) Revolver Mle 1873 M, Arme et passion (lennet d'ar 27/12/2024)
- ↑ (fr) Revolver Mle 1874, Arme et passion (lennet d'ar 27/12/2024)
- ↑ (fr) Le revolver de 11 mm modèle 1873, Armement réglementaire français (lennet d'ar 27/12/2024)
