Raffig Tullou
| Reizh pe jener | paotr  |
|---|---|
| Bro ar geodedouriezh | Frañs |
| Anv ganedigezh | Raphaël Jean-Baptiste Joseph Tulou |
| Anv-bihan | Raphaël |
| Anv-familh | Tullou |
| Lesanv | Neven Lewarc’h |
| Deiziad ganedigezh | 6 Gen 1909 |
| Lec'h ganedigezh | Morzhell |
| Deiziad ar marv | 16 Gen 1990 |
| Lec'h ar marv | Sant-Ervlan |
| Yezh vamm | galleg |
| Yezhoù komzet pe skrivet | galleg |
| Micher | kazetenner, kizeller, kinklour |
| Perzhiad e | WWII Axis collaboration in France |
| Luskad | Unvaniez ar Seiz Breur |
| Statud e wirioù aozer | Oberennoù dezhe gwirioù aozer |
Raffig Tullou, Raphaël Jean Tullou e anv kefridiel - Neven Lewarc’h ha Lugumarcos, e zaou anv-drouiz -, a voe ur c'hizeller brezhon, ur stourmer breizhek hag un ezel eus ar luskad drouizel. Ganet e voe d'an 9 a viz Du 1909 e Morzhell hag e varvas d'ar 16 a viz Genver 1990 e Sant-Ervlan.
Buhez
[kemmañ | kemmañ ar vammenn]
Merour ar gelaouenn Feiz ha Breiz e voe e 1928 hag e krouas ar gelaouennig Breiz digabestr. E 1934 e kemeras perzh er Mouvement fédéraliste breton ("Luskad kevredadel Breizh"), a-gevret gant Gestalen, Francis Bayer du Kern, Goulven Mazeas ha Morvan Marchal. Galvet da soudard e 1940 e voe prizoniad brezel ha lezet da vont diwar intruduStrollad Broadel Breizh (SBB). E-pad ar brezel e emezelas gant ar SBB kent bezañ skarzhet kuit gant Remont ar Porzh.
E Roazhon e voe toullbac'het un nebeud sizhunvezioù kent bezañ lezet da vont.
Krouiñ a reas Koun Breizh e 1954, kevarzhe evit difenn ar glad hengounel ha brezhon. Raffig Tullou a grouas Skoed e 1966, kelaouenn Koun Breizh.
Pennadoù a skrivas er c'helaouennoù L'Heure Bretonne ha Nemeton e-doug an Eil Brezel-bed.
Drouizelezh
[kemmañ | kemmañ ar vammenn]Dre levezon Morvan Marchal ez eas Francis Bayer du Kern war ar studioù keltiek hag e kemeras perzh e krouidigezh ar gelaouennNemeton gant Marchal ha Francis Bayer du Kern. E 1936 e savjont ar strollad drouizel Kredenn Geltiek Hollvedel ha Kevanvod Tud Donn. Ne c'hellent ket bezañ a-du gant Goursez Vreizh, renet gant Taldir rak ne felle ket da hemañ kaout un troc'h gant an Iliz katolik. Ur relijion nevezpagan a glaskent evel ma embannent en he anv. War-lerc'h ar brezel e reas anaoudegezh gant Goulven Pennaod hag e lakaas anezhañ da zont da vout pagan.
Oberennoù arzel
[kemmañ | kemmañ ar vammenn]Tresañ a reas pezhioù-arrebeuri keltiek ha breizhek arnevez e Roazhon. Gantañ e voe kizellet delwenn Nevenoe e Baen-Ballon e 1952 gant an isskrid "Nevenoe - Tad ar Vro - Penntiern ar Vretoned - Nominoe - Britonnum Rex - 851". Ar blakenn-goun en enor da varkiz Pontkalleg a gaver en Naoned a gizellas ivez[1], war blasenn Bouffay. Ezel e voe eus ar strollad arzel Unvaniez ar Seiz Breur.
Adaozañ delwennoù a reas Raffig Tullou ivez.
- Gantañ e voe kempennet ar strollad arem Pour le drapeau bet savet gant Georges Bareau[2], evit Monumant ar re Varv e Naoned en enor da c'houzañvidi Brezel 1870-1871.
- Nevesaat a reas delwenn blastr Alan Varvek, bet graet gant[3] ar c'hizeller breizhat Amédée Ménard ; goude bout bet e prefeti Naoned e-pad ur c'hantved e oa bet dilezet e porzh kastell duged Breizh, ma voe drastet e 1978[4].
Bout e voe sekretour diwezhañ Unvaniez ar Seiz Breur e 1944.
Levrlennadur
[kemmañ | kemmañ ar vammenn]- Georges Cadiou, Dictionnaire critique, historique et biographique Emsav, Coop Breizh, 2013. Pennad :Tullou, Rafig.(ISBN 978-2-84346-387-1)
- Lionel Henr, Dictionnaire biographique du Mouvement breton, Yoran Embanner, 2013. Pennad : Tullou, Rafig.(ISBN 978-2-916879-59-7)
Notennoù ha daveennoù
[kemmañ | kemmañ ar vammenn]- ↑ Plakenn-goun en enor da Pontkalleg (https://abp.bzh/photos/23/23086_4.jpg).
- ↑ (fr) Mirdi Orsay
- ↑ Delwenn Alan Varvek (https://abp.bzh/photos/36/36952_7.jpg).
- ↑ (fr) GENi
