Francis Bayer du Kern

Eus Wikipedia
Aller à la navigation Aller à la recherche

Francis Bayer du Kern (François er marilhoù) zo ur barzh brezhonek hag ur stourmer breizhek, ganet d'an 8 a viz Gouere 1912 e Laval ha marvet d'an 2 a viz Mezheven 1940 e Malo-les-Bains (e Dukark hiziv). Kemeret en doa perzh e gwalldaolioù aozet gant ar strollad kuzh Gwenn ha Du e 1932. Gant un nebeud tud ez eas da grouiñ ur strollad drouized nevez.

Buhez[kemmañ | kemmañ ar vammenn]

Daoust ma oa deuet eus ul lignez tudjentiled eus Kerne[1] e voe ganet e Laval. E skol ar Jezuisted e reas e studioù. Ne oa nemet ugent vloaz pa gemeras perzh en oberezhioù kuzh Gwenn ha Du. E 1936 e kemeras perzh e krouidigezh un eil strollad drouized, ar Gredenn geltiek, hag e reas gant an anv-drouiz Veroestrumnis (pe Uerestrumnis)[2]. Galvet e voe da soudard e-ser aloubadeg an Alamaned ha lazhet e voe e-kerzh emgannoù tro-dro Dukark e 1940.

Gwalldaolioù e 1932 ha 1936[kemmañ | kemmañ ar vammenn]

Goude ma voe rediet tren prezidant Kuzul ar vaodierned ar Republik gall, Édouard Herriot, da chom a-sav e Ingrandes d'an 20 a viz Du 1932 abalamour ma oa bet distrujet ar roudennoù gant ur vombezenn e voe harzet Francis Bayer du Kern gant ar polis hag aterset ganus hag e anzavas bezañ kablus. Kemeret en doa perzh e tanioù-gwall e pevar frefeti a-raok. Ezel e voe eus Gwenn ha Du hag eus Kadervenn, an daou strollad kuzh savet gant Neven Henaff. Pa oa oc'h ober e goñje er Mañs e miz Ebrel 1936 e voe harzet gant ar polis en-dro ha tamallet dezhañ bezañ unan eus ar genwallerien o doe lakaet an tan e pevar frefeti e Breizh.

Drouizelezh[kemmañ | kemmañ ar vammenn]

E 1936 e savas, asambles gant Morvan Marchal ha Raffig Tullou, ar strollad drouizel ha nevezpagan, Kredenn geltiek.

Barzh[kemmañ | kemmañ ar vammenn]

Deskiñ brezhoneg a reas pa oa yaouank a-walc'h ha skrivañ a reas meur a varzhoneg vrezhonek ; a ne voe ket moullet kalz anezho[3].

Levrlennadur[kemmañ | kemmañ ar vammenn]

  • (fr) Georges Cadiou. Emsav – Dictionnaire critique, historique et biographique – Le mouvement breton de A à Z. Coop Breizh, 2013 (ISBN 978-2-84346-574-1)
  • (fr) Lionel Henry. Dictionnaire biographique du Mouvement breton. Yoran embanner, 2013 (ISBN 978-2-916579-59-7)
  • (br) Lukian Raoul. Geriadur ar skrivagnerien hag ar yezhourien. Al Liamm, 1992 (ISBN 9782-7368-00345)

Notennoù ha daveoù[kemmañ | kemmañ ar vammenn]

  1. Hervez Lukian Raoul e oa ur gwir ||Kontelezh|kont]].
  2. "Kornôgat", hervez Lionel Henry.
  3. Menegiñ a ra Lukian Raoul teir zestenn embannet gant Kad, kelaouenn ar Gredenn geltiek.