Pont-Marzhin

Pont-Marzhin
Ar maerdi.
Bro istorel	Naoned
Melestradurezh
Departamant	Liger-Atlantel
Arondisamant	Arondisamant Naoned
Kanton	Bouez betek 2015, Sant-Filberzh-Deaz abaoe 2015
Kod kumun	44130
Kod post	44860
Maer Amzer gefridi	Yannick Fétiveau 2020-2026
Etrekumuniezh	Kumuniezh-kumunioù al Lenn Veur
Lec'hienn web	www.mairie-pontsaintmartin.fr
Poblañsouriezh
Poblañs	6 690 ann. (2020)
Stankter	306 ann./km²
Douaroniezh
Daveennoù lec'hiañ	47° 07′ 23″ Norzh 1° 35′ 02″ Kornôg
Uhelderioù	kreiz-kêr : 10 m bihanañ 0 m — brasañ 31 m
Gorread	21,88 km²
Pont-Marzhin

Pont-Marzhin (Pont-Saint-Martin e galleg ) zo ur gumun e Breizh e Liger-Atlantel, e gevred ar vro.

Douaroniezh

Pont-Marzhin e departamant Liger-Atlantel

Anv

• Ogée (1779); Marteville & Varin (1843) ː Le Pont-Saint-Martin
• Erwan Vallerie (1995) ː de Ponte sancti Martini, 1179

Ardamezioù

• Troc'het etre glazur hag argant e bont en aour balirant, mogeriet en sabel, e vanac'h difoupant, ul loa-vañson en e zorn dehoù, heuliet ouzh dehoù gant ur gistinenn-dour hag ouzh kleiz gant ur flourdilizenn, an holl en aour
• Sturienn ː ponte unionem facio ("an unvaniezh a ra ar pont")
• Aozerienn ː M. Pressensé ha G. Brisson
• Kuzul ar Gumun ː 28 Meurzh 1991

Istor

Dispac'h Gall

• Krouet e voe kumun Pont-Marzhin e 1790 diwar ar barrez katolik. Lakaet e voe e Kanton Bouez hag e Bann Naoned. E 1800 e voe lakaet en Arondisamant Naoned.

XIX^vet kantved

Kersoren

• Krouet e voe kumun Kersoren e 1865 diwar lodennoù eus kumunioù Bignon, Pont-Marzhin ha Gwerzhav.

XX^vet kantved

Brezel-bed kentañ

• Mervel a reas 75 gwaz ag ar gumun abalamour d'ar brezel, da lavaret eo 4,86% eus he foblañs e 1911.

Eil brezel-bed

• Mervel a reas nav den eus ar gumun abalamour d'ar brezel hervez monumant ar re varv.
• Ur c'harr-nij bombezañ alaman a gouezhas er gumun d'an 30 a viz Here 1940, met ne voe ket kavet restadoù anezhañ dre ma oa bet savadennet an douar.
• D'ar 4 a viz C'hwevrer 1941 e kouezhas ur c'harr-nij (Hampden I marilhet AD750 ha kodet ZN-?) eus aerlu ar Rouantelezh-Unanet (Royal Air Force) e La Marronnière e Pont-Marzhin; mervel a reas e bevar nijour ha douaret e voent e bered "Pont du Cens" en Naoned.
• D'an 8 a viz Mae 1941 e kouezhas ur c'harr-nij (Wellington Ic marilhet R1374 ha kodet JN-G) eus ar Royal Air Force e La Marronnière e Pont-Marzhin; mervel a reas e c'hwec'h nijour ha douaret e voent e bered "Pont du Cens" en Naoned.
• D'ar 4 a viz Gouere 1943 e voe taolet ur c'harr-nij Focke-Wulf Fw 190 eus an aerlu alaman (Luftwaffe) d'an diaz e Pont-Marzhin en un emgann-aer; an nijour a c'hellas gober gant e harz-lamm.
• Kavet e voe restadoù an teir nijerez gant ur c'houer eus ar gumun, reoù ar Wellington e miz Gwengolo 2008 en ur park.

Trevadennoù

• Brezel Aljeria: mervel a reas ur milour eus ar gumun d’an 13 a viz Kerzu 1958 hervez monumant ar re varv.

XXI^vet kantved

• Lakaet e voe ar gumun e Kanton Reudied-1 pa voe diskaret Kanton Bouez e 2014.

Monumantoù ha traoù heverk

• 
• 

• Peulvanoù Dame des pierres.

• 

  Kastell ar Genkiz.

• 

  Kastell La Rairie.

• Kastelloù.
• Monumant ar re varv er vered, luc’hskeudenn.
• Plakennoù ar re varv 1914-1918 en iliz katolik, luc’hskeudennoù.

• 

  An iliz katolik.

• Iliz katolik Sant Varzhin.

Emdroadur ar boblañs abaoe 1962

Niver a annezidi

Tud

Ardamezeg ar familhoù

de Bariolle Aotrounez la Pigossière

Pennad kar

• Kersoren.

Levrlennadur

• Michel Froger & Michel Pressensé : Armorial des communes de Loire-Atlantique. 1996.
• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014
• Erwan Vallerie : Diazezoù studi istorel an anvioù-parrez. Corpus. An Here. 1995