Brezel Vendée

Eus Wikipedia
Sauter à la navigation Sauter à la recherche
Kartenn ar Vendée militaire

Brezel Vendée ( e galleg: La guerre de Vendée) eo an anv roet d'ar brezel diabarzh a oa bet etre ar roueelourien (ar re Wenn) hag ar Republikaned (ar re C'hlas) e kornôg Bro-C'hall etre bloavezh I ha bloavezh IV an Dispac'h gall (etre 1793 ha 1796).

Liammet don eo, ha kemmesket alies, gant ar chouanerezh. Hollad an daou stourmad-se a vez graet anezho a-wechoù « Guerres de l'Ouest » e galleg. Ar chouanerezh a oa bet war ribl dehoù al Liger, padal emsavadeg ar Vendée a oa war ar riblenn gleiz. Vendée militaire a vez graet eus an tiriad emsavet e su ar stêr.

Evel e pep korn eus Bro-C'hall, ar Vendée a oa bet ul lec'h emsavadegoù peizanted etre 1789 ha 1792. An diforc'h bras a vo adal 1793 gant an emouestladenn veur ret evit al lu. An emsavadeg, anavezet ivez evel insurrection vendéenne, a oa kroget da vat. Da gentañ e oa anezhi un emsavadeg peizanted klasel met goude-se e oa aet war-zu un emsavadeg enep-reveulzier.

Ledet war tri bloaz, ar brezel a oa bet lies. Goude ur mare a peoc'h e nevez-amzer 1795. Echuet e oa e penn-kentañ ar bloavezh 1796, bez e oa bet tro 200 000 den lazhet ha kalz distrujoù.

Gwerenn-iliz e Petit-Luc o taolenniñ soudarded ar Republi c'hall o lazhadegañ poblañs ar gêriadennig

Ur mare eo eus an Dispac'h gall a zegas tabut c'hoazh, dre an niver uhel a drevourien lazhet hag al lazhadegoù sevenet a-bep tu.

Lazhadeg Machecoul, tud ar Vendée o devoa lazhadeget republikaned ar gêr

Brezel ar Vendée hiziv-an-deiz[kemmañ | kemmañ ar vammenn]

Bev eo c'hoazh ar brezel drastus-se. Simbol plakennoù an otoioù eus Vendée da skouer a zo hiziv-an-deiz reoù eus mare ar rouantelezh adsavet, kalon sakret Jezuz-Krist hag ar ger-stur liammet Utrique fidelis (Leal kement da unan evit an hini all)[1]

Lod tus eus Vendée a c'houlenn e vefe lakaet da dalvezout ur gouennlazh eus tud Vendée e-pad an Dispac'h gall, dreist-holl e-pad mare ar Spont bras/ Brezel ar Vendée. Betek-henn n'eo ket bet degemeret dre lezenn.

Notennoù ha daveennoù[kemmañ | kemmañ ar vammenn]