Louis-Marie Turreau

Eus Wikipedia
Sauter à la navigation Sauter à la recherche
Général Turreau Louis Marie (1756-1816).jpg
Louis Marie Turreau.jpg

Louis-Marie Turreau, pe Turreau de Lignières, lesanvet Turreau de Garambouville (1756-1816), a oa ur jeneral gall. Brudet eo e droioù e-pad brezel Vendée.

E vuhez[kemmañ | kemmañ ar vammenn]

E dad a oa prokulor an dour hag ar c'hoadoù e kontelezh Evreux, a-raok bezañ maer Evreux. Ne oant ket en noblañs, met tud uhel e oant. Daoust da se ez eas Louis-Marie Turreau, deuet da vezañ republikan, a-du gant an Dispac'h gall adal 1789, ha klask a reas sachas gounit eus ar renad nevez, evel kalz bourc'hizien en amzer-se.

Anvet e voe da vaer Aviron, ha prenañ a reas madoù an iliz, evel abati Conches. Mont a reas er Garde nationale, e Conches, ha kemer ar penn anezhañ e Gouhere 1792. E Gwengolo e voe anvet da letanant-koronal e trede batalhon an Eure a zo kaset d'en em gannañ war harzoù hanternoz Bro-C'hall. E miz Du e voe anvet da goronal, ha kaset da arme ar Moselle.

En Mezheven 1793 e voe kaset da arme an aodoù e La Rochelle, met kuitaat a reas ar servij-se na blije ket dezhañ. En ul lizher d'ur mignon e skrivas ne felle ket dezhañ ober ar brezel en Poatev. Koulskoude e reas daou viz brezel e Vendée...

E penn ar bagadoù lesanvet colonnes infernales e oa : ar re-se a oa bet savet da zegas ar peoc'h war ar maez goude trec'het an Arme katolik. Lazhadegoù a rejont, meur a zek mil a-hervez, ma adkrogas ar brezel.

Neuze e voe galvet da Bariz, harzet, met lezet da vont.

Goude e voe kaset da gannad d'ar Stadoù-Unanet, hag anvet da varon en amzer Napoleon.