Plegadeg

Evit implijoù all, gwelet Plegadeg (disheñvelout).

---

Plegadeg
Ar maerdi.
Anv gallaouek	Picadoec
Anv gallek (ofisiel)	Pleucadeuc
Bro istorel	Bro-Gwened
Melestradurezh
Departamant	Mor-Bihan
Arondisamant	Gwened
Kanton	Mourieg
Kod kumun	56159
Kod post	56140
Maer Amzer gefridi	Alain Launay 2014-2026
Etrekumuniezh	Eus an Oud da Vreselien Kumuniezh
Bro velestradurel	Bro Gwened
Lec'hienn Web	(fr)www.pleucadeuc.fr
Poblañsouriezh
Poblañs	1 819 ann. (2020)
Stankter	53 ann./km²
Douaroniezh
Daveennoù lec'hiañ	47° 45′ 35″ Norzh 2° 22′ 29″ Kornôg
Uhelderioù	kreiz-kêr : 70 m bihanañ 7 m — brasañ 99 m
Gorread	34,56 km²
Plegadeg

Plegadeg a zo ur gumun eus Breizh e kanton Mourieg e departamant ar Mor-Bihan.

Anv

Stummoù bet skrivet

• Erwan Vallerie (1995) : Plebs condita Cadoc, 826;  Pluiucatoch, 848; Ploicaduc, XXè; Plogadoc, 1330; Ploigodec, 1387; Plouecadeuc, 1516; Pleucadeuc, 1554; Pleucalleuc, 1558; Plucadec, 1630.

Gerdarzh

• Eus ple (diwar ar ger latin plebs) ha Kadeg (diwar Cadeuc < Cadoc < Catoc), stumm emdroet Kadog, sant eus Kembre.

Ardamezioù

• "Ginvrizhet etre aour ha geot; e greiz-holl en glazur e gab kommek en erminoù, e vevenn en gul"

Istor

Dispac'h Gall

• Melestradurezh: krouet e voe ar gumun e 1790. Gant al lezenn eus an 23 a viz Eost 1790 e voe lakaet da bennlec'h kanton Plegadeg gant c'hwec'h kumun ennañ:Bohal, Megerieg, Plegadeg, Sant-Kongar, Sant-Laorañs-Graeneg ha Sant-Marc'hell; e Bann Roc'h-an-Argoed e oa; dilamet e voe kanton Plegadeg e 1801 gant al lezenn eus an 8 pluviôse an IX (28 a viz Genver 1801), dezhi an titl loi portant réduction du nombre de justices de paix; lakaet e voe Plegadeg en Arondisamant Pondi bet krouet e 1800 hag e Kanton Kistreberzh bet miret ha brasaet e 1801.

XX^vet kantved

Brezel-bed kentañ

• Mervel a reas 48 gwaz eus ar gumun abalamour d'ar brezel, eleze 2,93 % eus he foblañs e 1911.

Reter-Nesañ

• Mervel a reas ur soudard en Aleppo e Siria d’ar 25 a viz Du 1922.

Eil brezel-bed

• D'ar 16 a viz C'hwevrer 1943 e kouezhas ur c'harr-nij B-17 eus aerlu SUA (United States Army Air Forces) e Plegadeg; lazhet e voe eizh nijour a oa en e vourzh, an daou all a zeuas a-benn da achap.
• D'an 16 a viz Mae 1945 e voe kavet korfoù marv daou zen eus ar gumun, izili eus ar Rezistañs, bet boureviet, lazhet ha mañsonet d'an 13 a viz Gouere 1944 gant al lu alaman e kreñvlec'h Pentevr e Sant-Pêr-Kiberen.
• Meneget eo anv un den ag ar gumun ouzh monumant ar re varv.

Brezelioù didrevadenniñ

Brezel Indez-Sina

• Mervel a reas ur milour.

Brezel Aljeria

• Mervel a reas pevar milour.

Monumantoù ha traoù heverk

• 
  Peulvan "Les Hautes Landes".
• 
  Peulvan "Ranion".

• Daou beulvan.

• 
  Ar c'hastell.

• Kastell "La Morinais", bet savet tro 1870.

• 
  An iliz katolik.
• 
  Chapel Sant Mark.
• 
  Kalvar chapel Sant Mark.
• 
  Chapel Sant Bartelame hag he c'hroaz.

• Iliz katolik Sant Pêr, 1887.
• Chapel Sant Mark, XVI^vet kantved, hag he c'halvar.
• Chapel Sant Bartelame, XV^vet kantved, hag he c'hroaz.
• Chapel Sant Jozeb, XVII^vet kantved.
• Monumant ar re varv, luc'hskeudennoù.

Emdroadur ar boblañs abaoe 1962

Niver a annezidi

Tud

Ardamezeg ar familhoù

	de Bégasson Aotrounez al lerc'h se e Plegadeg	En argant e gefeleg en gul

Liammoù diavaez

• (br) Plegadeg war lec'hienn Geobreizh