Paol Kalvez
| Paol Kalvez | |
|---|---|
| |
| Anv ofisiel | Paul Le Calvez |
| Anv pluenn | Paol Kalvez |
| Obererezh | Danevellour Prederour Kazetenner Troour |
| Ganedigezh | e 1924 e Lokournan,  Breizh
|
| Marv | 29 a viz Gouhere 2021 |
| Yezh skrivañ | Brezhoneg |
| Luskad lennegel | Imbourc'h |
| Oberennoù pennañ | |
| Kambr ar stered Sklêrijenn ar Feiz kristen (troidigezh) | |
kemmañ  |
|
Paol Kalvez a oa ur skrivagner bet ganet er bloavezh 1924[1] ha marvet d'an 29 a viz Gouhere 2021[2]. Un emsaver e oa ha skrivet en deus meur a bennad.
Buhez[kemmañ | kemmañ ar vammenn]
Ganet e voe e Lokournan e 1924, e vamm a oa o terc’hel meur a stal er vourc’h hag e dad a oa mañsoner eus e vicher. Desavet eo bet e brezhoneg betek an oad a 13 vloaz.
Mont a reas da studiañ al latin, al lennegezh, an douenoniezh hag ar brederouriezh e skolioù kristen, e Bro-Okitania hag e Bro-Dunizia. Fellout a rae dezhañ mont da visioner. Soudardet eo bet e 1943 betek 1945. Daoust dezhañ klask bout misioner ha beleg, e voe nac'het dezhañ hag e tistroas el Lu e-men e teuas da vout kontaouer hag is-ofisour. En em staliañ a reas e Roazhon.
Tad eo da zaou vugel en deus desavet e brezhoneg.
Labour emsaver[kemmañ | kemmañ ar vammenn]
Bet eo bet unan eus renerien bouezusañ KEAV e-pad ur mare, a-gevret gant Ronan Huon ha Vefa de Bellaing hag e kengrouas SADED gant Guy Étienne ha Youenn Olier. Sevel a reas darempredoù etre KEAV ha SADED eus 1963 da 1967. War-lerc'h e kuitas embregerezhioù Guy Étienne evit labourat e savadurioù katolik gant Youenn Olier. Klasket en doa skoulmañ darempredoù etre KEAV ha Skol An Emsav (SAE) er bloavezh-skol 1970-71, pa oa SAE ur gevredigezh kristen. Paouez a reas da labourat evit KEAV e 1978.
Ur paot-mat a bennadoù en deus skrivet evit ar gelaouenn Imbourc'h ha kavout a reer lod eus e brederiadennoù, merket don gant ar feiz kristen, war load Emglev An Tiegezhioù[3]. Kenderc'hel a reas al labour kroget gant Marsel Klerg evit sevel ha skridaozañ ur breviel e brezhoneg e 12 levrenn (Lennadurioù kristen).
E 2007, Paol Kalvez en deus skrivet ul levr, Kambr ar stered, embannet gant an ti-embann Mouladurioù Hor Yezh. Ennañ e kaver un c'hendiviz gant Malo Bouessel du Bourg a-zivout red e vuhez en tu all da bevar-ugent vloaz hag e gejadennoù gant tud zo evel Lanza del Vasto da skouer[4].
E 2015 ez eo embannet e droidigezh eus ar c'helc'hlizher "Lumen Fidei" skrivet gant ar pab Frañsez, troet "Sklêrijenn ar Feiz kristen" gantañ[5].
Notennoù[kemmañ | kemmañ ar vammenn]
- ↑ Gw. ar pennad Paol Kalvez war load KEAV : Paol Kalvez
- ↑ Agence Bretagne Presse
- ↑ Load Emglev an Tiegezhioù
- ↑ Ur vurutelladenn amañ : Kambr ar stered, Paol Kalvez (2007)
- ↑ Gw. ar pennad Lumen Fidei e brezhoneg war load Ar Gedour Mag (galleg)