Noisiu

Eus Wikipedia
Naoise o tougañ Deirdre, gant e zaou vreur. skeudenn gant John D. Batten e Celtic Fairy Tales (1892).

Noisiu, Noíse, pe Naoise, zo ur gour yaouank eus gwengelouriezh Iwerzhon, mab da Uisneach ha niz da Gonchobar mac Nessa, roue Ulaid.

Meneget eo er gontadenn anvet Tri mab Uisnech a gaver e-touez istorioù arall e Táin Bó Cúailnge, ul lodenn ag ar Rúraíocht.

Er gontadenn e teuas Noíse da vout gwaz kleiz Deirdre, ur wreg c'hoantaet ivez gant Conchobar. Da dec'hout gwarizi ar roue e verdejont davet Alba. Conchobar a glaskas o lakaat da zistreiñ hogen an tonkad a reas a-hend-all. Ur geas ("strobinell") a voe lakaet war o gward Fergus mac Róich tra ma ne oa ket doujet diougan Deirdre gant Naoise hag e vreudeur, ha gwidre Conchobar a zegasas ar gabal.

Ar gwashañ e voe an emgann e ti ar Skourr Ruz en Emain Macha, hag a zegasas ar marv da Naoise hag e vreudeur Ainle hag Ardan, ha mab Conchobar Fiacha. Hag en diwezh e varvas mibien Uisnech gant Maine Dorn-Ruz, mab tiern Norveg (pe gant Éogan mac Durthacht hervez an andonioù). An darvoud a zegasas brezelioù etre Ulaid ha Cúige Chonnacht, dishêrezh Conchobar hag e ziskennidi eus titl tiern Ulaid, ha drastadeg Emain Macha.