Óengus Óg

Eus Wikipedia

Óengus, pe Aengus, a oa, e gwengelouriezh Iwerzhon, unan ag an Tuatha Dé Danann, hag a enkorfe ar yaouankiz (sed aze perak e vez graet Óg, "yaouank", anezhañ), ar garantez hag an awen barzhoniel. Mab Dagda ha Bóand eo Óengus, ha klotañ a ra gant an doue kembreat Mabon hag ar Maponos galian. Ur perzh a bouez en deus er gwengeloù.

Anv[kemmañ | kemmañ ar vammenn]

En heniwerzhoneg e vez graet Óengus pe Oíngus anezhañ ha kavout a reer meneg ivez eus Oinogus e Vita Columbae (Buhez Sant Koulman) gant Adomnán .[1] Ag ar c'hentkeltieg e teu ha talvout a rae "nerzh gwir". E skridoù Dindsenchas, ag ar grennamzer, e lenner e talv kement hag "ar cʼhoant nemetañ", hag e vamm Bóand a roas an anv-se dezhañ rak he eured gant an Dagda a voe he c'hoant nemetañ.[2] Áengus, e veze graet anezhañ e krenniwerzhoneg, hag Aonghus, pe Aonghas, en iwerzhoneg a-vremañ.

Anavet eo evel Óengus Óc / Aengus Óg ("Óengus ar yaouank"), Mac ind Óc ("mab ar yaouankiz"), Maccan, pe Mac Óc / Mac Óg ("ar mab yaouank").

Hervez keltiegourion evel John T. Koch ha Kenneth H. Jackson e klot Aengus gant ar pikteg Onuist / Unuist hag an hengembraeg Unust.[3][4]

Daveoù[kemmañ | kemmañ ar vammenn]

  1. Adamnan (1874). in Reeves: Life of Saint Columba, Founder of Hy. Edinburgh : Edmonston and Douglas. 123 p. Retrieved on 18 January 2018. 
  2. Stokes. The Metrical Dindsenchas: Boand II. Corpus of Electronic Texts. University College, Cork. Kavet : 3 August 2019.
  3. Celtic Culture: A Historical Encyclopedia. Ed. John T. Koch. Santa Barbara and Oxford: ABC-CLIO. 2006. pp. 1389, 1444, 1657. (ISBN 185-1094407).
  4. Calise, J. M. P. Pictish Sourcebook: Documents of Medieval Legend and Dark Age History. Greenwood Publishing Group, 2002. p. 246. (ISBN 9780313322952).