Lañveog

Lañveog
An ti-kêr.
Anv gallek (ofisiel)	Lanvéoc
Bro istorel	Kernev
Melestradurezh
Departamant	Penn-ar-Bed
Arondisamant	Kastellin
Kanton	Kraozon
Kod kumun	29120
Kod post	29160
Maer Amzer gefridi	Louis Ramoné 2008-2020
Etrekumuniezh	Kumuniezh kumunioù Gourenez Kraozon-Arvor ar Stêr-Aon
Bro velestradurel	Bro Brest
Lec'hienn web	Ti-kêr
Poblañsouriezh
Poblañs	1 970 ann. (2019)
Stankter	103 ann./km²
Douaroniezh
Daveennoù lec'hiañ	48° 17′ 12″ Norzh 4° 27′ 39″ Kornôg
Uhelderioù	bihanañ 0 m — brasañ 87 m
Gorread	19,21 km²
Lañveog

Lañveog a zo ur gumun eus Bro-Gerne e kanton Kraozon, e departamant Penn-ar-Bed, e kornôg Breizh.

Ardamezioù

Gwezboellek etre argant ha gul a c'hwezek dremmad, peder brizhell erminig en sabel sourinet war dremmadoù en argant ; e dostal en glazur karget gant un eor en aour divaskellet en argant. • Sturiad : Ene hag enor

Istor

Dispac'h Gall

• Dekred eus ar 26 a viz Du 1790 war al le ret: e penn-kentañ 1791 e voe graet al le ouzh ar Roue, ar vro hag al lezennoù gant ar c'hure met n'en doa ket graet e-giz ma oa dleet.

XIX^vet kantved

• Krouet e voe ar gumun e 1872 diwar ul lodenn eus kumun Kraozon.

XX^vet kantved

Brezel-bed kentañ

• 65 gwaz ag ar gumun, d.le. 5,20% ag he foblañs e 1911, a gollas o buhez abalamour d'ar brezel.

Eil brezel-bed

Luftwaffe

• Implijet e voe an nijva gant al Luftwaffe (aerlu alaman). Bae Poulmig a servijas d'an dournijerezed. Bombezet e voe an nijva gant ar Royal Air Force d'ar 1 a viz Genver 1942 ha gant ar Re Gevredet d'an 8 a viz Mae 1944.
• D'an 28 a viz Eost 1940 e voe distrujet un nijerez Heinkel 111 H en nijva; tri milour a varvas (douaret int e bered alaman Plouzeniel), gloazet e voe unan all; d'an 8 a viz Here 1940 e voe distrujet un nijerez Heinkel 111 H3 (marilhet WNr 5677 ha kodet V4) dre fazi gant ar Flak.
• D'an 19 a viz Here 1940 e voe disleberet un nijerez Dornier Do 17 Z-3 (marilhet WNr 5677) ha d'ar 25 a viz Here 1940 un Dornier Do 17 Z-3 all (marilhet WNr 1210) p'edont o touarañ en nijva.
• D'an 9 a viz Du 1940 e voe disleberet un nijerez Dornier Do 17 Z-3 (marilhet WNr 2794) pa stokas ur Messerschmitt Bf 110 outi en nijva ha d'an 10 a viz Du 1940 (marilhet WNr 3437) p'edo o ruilhañ.
• Drailhet e voe un Dornier Do 17 Z-3 (marilhet WNr 2799) d'an 12 a viz Kerzu 1940 ha distrujet un Dornier Do 17 Z-3 (marilhet WNr 2632) d'an 22 a viz Kerzu 1940, mervel ar reas tri nijour (douaret int e bered alaman Plouzeniel), unan all a voe gloazet.

Aerluioù ar Re Gevredet

• D'an 20 a viz Eost 1941 e kouezhas un nijerez Spitfire Id (marilhet X4497 ha kodet LY-?) eus ar Royal Air Force (aerlu ar Rouantelezh-Unanet); tapet e voe he levier gant an Alamaned met dont a reas a-benn da achap.
• D'an 8 a viz Gwenholon 1944 e kouezhas un nijerez P-51D (marilhet 42-106618 ha kodet AJ-W, 354vet FG, 356vet FS) eus aerlu ar Stadoù-Unanet e Lañveog; he leviour a c'hellas adkavout e genvroidi.
• D'an 9 a viz Mae 1944 e kouezhas un nijerez Lancaster III marilhet ND818 ha kodet OL-T e Lañveog d'an 9 a viz Mae 1944, mervel ar reas hec'h eizh nijour (douaret int e bered ar gumun).

Monumantoù ha traoù heverk

• Monumant ar re varv, luc’hskeudennoù.

Bezioù ar C'hommonwealth e bered ar gumun

Bro	Niver a soudarded
Aostralia	4
Polonia	1
Rouantelezh-Unanet	3
Hollad	8

Karrnijourion e oant holl. Mervel a rejont pa gouezhas o c'harr-nij (Lancaster III marilhet ND818 ha kodet OL-T) e Lañveog d'an 9 a viz Mae 1944, e-pad an Eil Brezel Bed.

Emdroadur ar boblañs abaoe 1962

Niver a annezidi

Gwelet ivez

• Bon aervorel Lañveog-Poulmig.

Liammoù diavaez

• (fr) lec’hienn ar gumun
• (br) Lañveog war lec'hienn Geobreizh