Koad Felger

Koad Felger
Steudad veurvaenel e Koad Felger
Anv(ioù) all	Koad Rous
Anv gallek	Forêt de Fougères
Melestradurezh
Bro	Bro-Roazhon
Departamant	Il-ha-Gwilen
Kumun	Kernoanig ha Landean
Statud	Koadeg-domani
Douaroniezh
Daveennoù lec'hiañ	[ 48° 23′ 37″ N, 1° 09′ 49″ K]
Gorread	1687,07 ha
Uhelderioù	bihanañ 110 m — brasañ 184 m
Gwez	Faou, derv, rousineged

Koad Felger, anvet ivez ar C'hoad Rous, a zo ur goadeg-domani hag en em astenn war 1687 hektar e kumunioù Kernoanig ha Landean e biz da Felger en Il-ha-Gwilen ha Bro-Roazhon. Meret eo gant Ofis broadel ar c'hoadeier ha digor d'an holl.

Istor

Koadoù Felger, ar Perzh, Gwerc'h hag Arez a yae d'ober gwechall ur goadeg hepken etre ar Riedoned hag ar Genomaned, ur seurt marzioù kentañ etre Breizh, Maen hag Anjev.

Kalz a c'hlaouerien ha saboterien a laboure ennañ e-pad kantvedoù betek penn-kentañ an XXvet kantved.

• 
  Botaouerien-goad e Koad Felger war-dro ar bloavezh 1900 (kartenn-bost E. Mary Rousselière)

Liesseurted ar vuhez

Rummet eo ar goadeg evel TNLELP abaoe 1974. Renablet ez eus bet :

• 38 spesad plant, en o zouez 2 spesad gwarezet: al Lycopodium clavatum hag an Osmunda regalis ha 6 spesad war listenn ruz an UEMN e Torosad Arvorig,
• 46 spesad laboused, en o zouez ar speg krenn, ar speg du, an eostig bailh, ar speg louet, ar c'hraperig-koad hag ar puig sut,
• ha bronneged evel ar gwiñver rous, ar yourc'h, an hoc'h-gouez hag all. Kavioù-gwin kozh a servij da lec'h goañviñ evit spesadoù logod-dall 'zo evel ar c'housperell Natterer, ar c'housperell varvek, ar c'housperell Daubenton, ar c'housperell skouarnek vras hag ar frigribell vras ha vihan.

Bout 'zo ur faoueg digemmesk, ar pezh ne gaver nemet e tri c'hoad e Breizh.

Glad

Div lec'hienn veurvaenel a gaver er c'hoad :

• Steudad veurvaenel an neolitik le Cordon des Druides, Monumant istorel rummet (1946)
• Taol-vaen la pierre courcoulée, Monumant istorel rummet (1946)

Emañ selieroù Landean ( Monumant istorel rummet (1862)) e Norzh ar c'hoad ivez.