Klegereg

Klegereg
An ti-kêr.
Anv gallek (ofisiel)	Cléguérec
Bro istorel	Bro-Gwened
Melestradurezh
Departamant	Mor-Bihan
Arondisamant	Pondi
Kanton	Gourin
Kod kumun	56041
Kod post	56480
Maer Amzer gefridi	Marc Ropers (kleiz diseurt) 2014-2020
Etrekumuniezh	Pondi Kumuniezh
Bro velestradurel	Bro Pondi
Lec'hienn web	www.cleguerec.fr
Poblañsouriezh
Poblañs	2 835 ann. (2020)
Stankter	45 ann./km²
Douaroniezh
Daveennoù lec'hiañ	48° 07′ 30″ Norzh 3° 04′ 10″ Kornôg
Uhelderioù	kreiz-kêr : 155 m bihanañ 55 m — brasañ 281 m
Gorread	62,99 km²
Klegereg

Klegereg a zo ur gumun eus Breizh e departamant ar Mor-Bihan. Pennlec'h Kanton Klegereg e oa betek 2015.

Anv

• Erwan Vallerie ː Clegeruc, 871; Cleguerec, 1280; Cleguereuc, 1314; Cleguerec, 1373, 1387; Cleguerac, 1516; Cleguerec, 1709

Ardamezioù

En glazur e gebrenn en aour karget gant teir brizhenn erminig en sabel, eilet ouzh kab a-zehou gant un arbenn karv, a-gleiz gant ur berwezenn, hag ouzh beg gant peder mailhenn lamellet, an holl en aour.

Istor

Dispac'h Gall

• Melestradurezh: krouet e voe kumun Klegereg e 1790 diwar parrez Klegereg, krouet e voe kumunioù diwar he zrevioù Berc'hed ha Sant-Inan ivez. Gant al lezenn eus an 23 a viz Eost 1790 e voe lakaet Klegereg da bennlec'h kanton Klegereg gant seizh kumun ennañ: Berc'hed, Klegereg, Malgeneg, Sant-Inan, Seglian, Silieg ha Stival; e Bann Pondi e oa; gant lezenn an 8 pluviôse an IX (28 a viz Genver 1801), dezhi an titl loi portant réduction du nombre de justices de paix, e voe miret ha brasaet kanton Klegereg gant ar memes anv; lakaet e voe Klegereg en Arondisamant Pondi bet krouet e 1800.

XX^vet kantved

Brezel-bed kentañ

• 177 gwaz eus ar gumun a gollas o buhez abalamour d'ar brezel, d.l.e. 4,82 % eus he foblañs e 1911.

Eil Brezel-bed

Anv R. Houarno, un den eus Klegereg, ouzh monumant ar re fuzuilhet e Porzh-Loeiz

• D'an 23 a viz Mae 1945 e voe kavet korfoù marv pemp den eus ar gumun e-tal gwikadell Porzh-Loeiz. Er Rezistañs e oant; fuzuilhet e oant bet gant al lu alaman.
• Mervel a reas 31 den ag ar gumun abalamour d'ar brezel.

Brezelioù didrevadenniñ

• Ur gwaz a varvas e Brezel Indez-Sina ha daou all e Brezel Aljeria.

Monumantoù ha traoù heverk

• War al leurgêr e vez kavet Delwenn ar Frankiz eilskeudennet, bet teuzet e 1875.
• Monumant ar re varv.

Emdroadur ar boblañs abaoe 1962

Niver a annezidi

Brezhoneg

Ya d'ar brezhoneg

• D'an 8 a viz Here 2009 e oa bet votet live 2 ar garta Ya d'ar brezhoneg gant Kuzul-kêr ar gumun.

Deskadurezh

• Klasoù divyezhek a zo eno abaoe 2004.
• E distro-skol 2022 e oa 43 skoliad er c'hlasoù divyezhek (19,1 % eus skolidi ar gumun evit a sell ouzh ar c'hentañ derez).

Tud

Ardamezeg ar familhoù

de Coêtlogon Aotrounez Botbléven

En gul e dri skoedig en erminoù

Liammoù diavaez

• (br)Klegereg war lec'hienn Geobreizh

Levrlennadur

• Michel Froger & Michel Pressensé : Armorial des communes du Morbihan. 1999
• Erwan Vallerie : Diazezoù studi istorel an anvioù-parrez. Corpus. An Here. 1995