Ruzenn rak-staon divouezh

Selaou
LFE – niverenn	182
LFE – unicode	ɕ
LFE – skeudenn
X-SAMPA	`s\`

Unan eus ar c'hensonennoù e taolennoù ofisiel al lizherenneg fonetikel etrebroadel ganti un arouezenn ispisial eo ar ruzenn rak-staon divouezh treuzskrivet [ɕ] hervez reolennoù al LFE, ganti an niverenn dave 182.

Skouerioù[kemmañ | kemmañ ar vammenn]

Kabardeg щэ [ɕɛ], "kant"
Alamaneg: er rannyezhoù komzet er Rhineland e lec'h ç.
Japaneg: heñveladur /s/ dirak [i] pe [j] > [ɕi] e lec'h [si]. Romanekaet: shi pe raloc'h si.
Koreaneg: heñveladur /s/ dirak [i] > [ɕi] e lec'h [si], d.s. : 시장 (sijang) [ɕiˈʥaŋ], "ur mar'had"
Sinaeg mandarinek: treuzskrivet x hervez reolennoù ar pinyin. Kavet e vez ivez ar son-mañ evel unan eus elfennoù ar c'hensonennoù dre fic'hal j [t͡ɕ] ha q [t͡ɕʰ].
Svedeg: talvezout a ra /ɕ/ da fonem e hozogik an holl rannyezhoù estreget rannyezh svedek Finland ma vez distaget dre fic'hal [ʨ] ha ma talvez, diouzh an tu all, [ɕ] da alofonenn /ɧ/. Enebiet e vez [ɕ] ouzh [ʂ] er rannyezhoù ma vez distaget /ɧ/ evel [ʂ], d.s. kjol; [ɕuːl]; "brozh"
Poloneg: [ɕ], skrivet ś pe si a zo anezhañ ur fonem enebiet ouzh [s] (skrivet s) hag ouzh [ʂ] (skrivet sz). E poloneg e kaver ivez ar gensonenn dre fic'hal [t͡ɕ] (skrivet ć ha ci).
Ormourieg: /ɕ/, enebiet ez-fonemek ouzh /s/ (س) hag ouzh /ʃ/ (ش).
Yezhoù indezek ha yezhoù dravidek dindan levezon ar sañskriteg (treuzskrivet ś), daoust ha ma vez distaget evel ur ruzenn drek-logigoù divouezh [ɕ] > /ʃ/ .
Ruseg: /ɕɕ/ pe /ɕtɕ/ skrivet щ.
Sañskriteg: शत [ɕətə], "kant"
Tibetek Lhasa: བཞི་ [ɕi˨˧], "pevar"