Hestia

Hestia

Greek deity, Category:Familiar spirits, Olympian god

Rann eus	Doueed an Olimpos
Reizh pe jener	plac'h
Anv e yezh-vamm an den	Ἑστία, Ἱστια
Tad	Kronos
Mamm	Rea
Breur pe c'hoar	Demeter, Hera, Haides, Poseidon, Zeus
Annez ofisiel	Olympus
Iconographic symbol	pod-berver, pemoc'h, Vitex agnus-castus
Azeulet gant	Relijion er gevredigezh hellazek
Tachenn ar sant pe doue	Oaled, keginañ, tan, baking, annez

Vesta Giustiniani, mirdi Torlonia (Roma).

Hestia (Ἑστία / Hestía e gregach) eo doueez an tan sakr hag an oaled. Merc'h henañ Kronos ha Rea eo-hi, c'hoar eo da Zeus, Poseidon, Hades, Hera ha Demeter. A-remziad eo gant ar re a anver daouzek doue Olympos a dra sur, koulskoude ne vez ket kontet atav e-touez daouzek doue an Dodekatheon.

Vesta e oa hec'h anv hervez ar Romaned.

Pa bignas he breur Zeus war gador roue an doueed, e roas da Hestia, evel da Artemis pe Athena, ar galloud da virout he gwerc'hded da viken, a-benn en em ziwall diouzh karantez Apollon ha Poseidon.

N'eus hogos mojenn ebet a vije stag ouzh an doueez-se. Ne gemer perzh ebet e tabut ebet, ar pezh a ra anezhi un esparadenn e-touez doueed Olympos. Mirout a ra Zeus druzoni an aberzhioù dezhi.

Kehelerezh

Personeladur an oaled eo Hestia, ar flammenn sakr a zev dibaouez en tier hag en temploù, hag a c'hlana anezhe. Azeulet eo evel gwarezerez ar familhoù, ar c'heodedoù hag an trevadennoù.

Pa felle d'ar C'hresianed diazezañ un drevadenn e kasent gante tan Hestia, kemeret e templ ar vetropolenn a-benn enaouiñ oaled o c'heoded nevez. Evel-se ec'h arouez Hestia ivez hollbadusted ar sevenadurezh hag ar relijion.

Kement pred a oa a groge hag a echue gant ur prof da Hestia.

Lec'hioù kehelerezh pennañ ha santualoù

1. Aten, kêr-benn an Attika (kreisteiz Henc'hres) ;
2. Oropos, kêr eus an Attika ;
3. Hermione, keoded eus Argolis (kreisteiz Henc'hres);
4. Sparta, kêr-benn Lakonike (kreisteiz Henc'hres) ;
5. Olympia, santual Elis (Ileia, kreisteiz Henc'hres) ;
6. Larisa, kêr-benn al Lapited (Thessalia, hanternoz Henc'hres) ;
7. Enez Tenedos, (Mor Egea).

Ikonografiezh

Peurliesañ e veze diskouezet en he sav gant Hellaziz, gwisket en un doare eeun, ganti ur ouel war he fenn.

An tan eo hec'h arouez.

Mammennoù

• Apollodoros, Bibliotheke (I, 4-7): An oberenn enlinenn e galleg.
• Aristofanes, Ar Gwesped (v. 846).
• Bakilides (fr. 14B [embannadur ?]).
• Cicero, De natura deorum (II, 27). Skrid enlinenn
• Diodoros Sikilia Levraoueg istorel (I, 4 ; V, 68, 1 ; V, 70, 1). Skrid enlinenn
• Hesiodos, Theogonia (war-dro 453-454). Skrid enlinenn
• Hyginus, Fabulae (rakger). Skrid enlinenn
• Meulganoù homerek (V da Afrodite, v. 18 ; XVIII et XXIV da Hestia). Skrid enlinenn
• Meulganoù orfek (LXXXIV da Hestia). Skrid enlinenn
• Ovidius Fastorum (VI, 285 ; VI, 319). Skrid enlinenn
• Paosanias Periêgêsis Hellados (I, 18, 3 ; I, 34, 3 ; II, 35, 1 ; III, 11, 11 ; Y, 11,8 ; V, 14, 4 ; V, 26, 2-3). Skrid enlinenn
• Pindaros (Telennganoù nemeat, XI, 1-2). Skrid enlinenn
• Platon Fedra (v. 246). Skrid enlinenn