Gandalf

Eus Wikipedia
Aller à la navigation Aller à la recherche
Gandalf, gant 'Nidoart', 2013

Gandalf a zo un tudenn eus an danevelloù An Hobbit hag Aotrou ar Gwalinier skrivet gant J. R. R. Tolkien. Un hudour eo, unan d'urzhiad Istari ha kunduer Kenseurtiezh ar Walenn. Tolkien a dennas anv "Gandalf" diouzh "Rollad ar Gorrien" (Dvergatal) er Völuspá skrivet e Norseg.

Evel hudour ha douger ur Walenn Galloud e vez beli meurbet anezhañ, hogen e ya war-raok gant kendrec'h peurliesañ. Graet eo Gandalf al Louet anezhoñ, gant un anaouedegezh ec'hon e beaj atav é soñja war e gefridi dizober Sauron. Liammet eo gant an tan dre e walenn anvet Narya, Gwalenn an Tan, neuze e vez implijet an tan evel arm gantañ. Unan e-touesk ar Maiar, divarvel eo met e c'hallfe bezañ lazhet war tachen an emgann, ha setu petra a zegouezhas gant ar Balrog eus Moria. Koulskoude e oa bet adkaset war Kreizdouar da achuiñ e gefridi evel Gandalf ar Gwen ha penn d'an Istaried.

Tolkien a daolas Gandalf evel un ael enkorfet. Alies eo liammet gant Odin, an doue german hag e vale treuzwisket evel ur c'hantreer. Mod-all e vez taolet evel ur bleiner, damheñvel gant sibilla Kuma hag e ziwallas Aeneas en Aeneis gant Vergilius, pe Vergilius e-unan en Divina Commedia, ur diouganer.

Anvet eo Olorin, pe Mithrandir e yezh an Elfed

An aktour saoz Ian McKellen a c'hoari Gandalf e filmoù Peter Jackson.