Erwan Evenou
Erwan Evenou | |
---|---|
Anv ofisiel | Yvon Évenou |
Obererezh | Yezhour, skrivagner |
Ganedigezh | d'ar 14 a viz C'hwevrer 1940 en Aljer, ![]() |
Marv | d'ar 25 a viz Ebrel 2020 |
Yezh skrivañ | Brezhoneg, galleg |
Enorioù | Palmes académiques, Priz Langleiz e 1992 |
kemmañ ![]() |
Erwan Evenou (ez-ofisiel:Yvon Évenou), ganet d'ar 14 a viz C'hwevrer 1940 en Aljer, marvet d'ar 25 a viz Ebrel 2020, zo yezhour, skrivagner brezhonek ha skrivagner gallek. Bet eo ivez kelenner saozneg ha brezhoneg, hag emsaver sindikadel, yezhel ha politikel.
Bevet en deus en Aljeria e-pad darn e yaouankiz, evel ma kont en e romant diazezet war e vuhez. Skoliad eo bet e SADED. Kelenn a reas saozneg e skolaj ar Faoued a-raok mont da Aljeria da gelenn ha dont da gelenner brezhoneg pa voe tapet gantañ ar c’h-CAPES brezhoneg. Goude-se e voe anvet da enseller brezhoneg evit an eil derez war-lerc’h Pierre Bernard.
Div wech e voe medalennet gant an Ordre des Palmes académiques.
Unan hepken eus e dud-kozh a oa breton[1].
Labour emsavel[kemmañ | kemmañ ar vammenn]
War un dro gant e labour er sindikad SNI-PEGC e voe unan eus emsaverien bennañ Unvaniezh Demokratel Breizh. Bet eo sekretour Galv (e galleg: « comité d'action progressiste pour la langue bretonne ») er bloavezhioù 1970. Gant e skipailh voe aozet ar gerzhadeg a voe e 1971 etre Ploue hag an An Oriant. En noz kent e voe lojet an dud er Faoued.
E-pad pell en doa graet war-dro skol gouren ar Faoued, bet krouet gantañ pell zo, er barrez m'edo o chom.
E skridoù[kemmañ | kemmañ ar vammenn]
Evel ezel eus Unvaniezh Demokratel Breizh e savas meur a bennad evit kelaouennoù ar strollad, ken e galleg evit Le Peuple breton, ken e brezhoneg evit Pobl Vreizh hag ivez evit Al Liamm, dreist-holl ur pennad "kleiz ha Breizh", a zo a dalvoudegezh vras.
Embannet en deus ivez ul levr barzhonegoù, tri romant e brezhoneg, ur romant e galleg hag ur studiadenn e galleg a-zivout ar brezhoneg en deskadurezh hag er vuhez foran.
Levrioù[kemmañ | kemmañ ar vammenn]
- 1972 : 'Benn Gouloù Deiz, barzhonegoù, embannet gant UDB, Brest.
- 1987 : Studi fonologel brezhoneg Lanijen, tezenn a-zivout brezhoneg Lannejenn.
- 1991 : Nikolazig ar broioù tomm, romant, Mouladurioù Hor Yezh.
- 2000 : La langue bretonne en quête de légitimité dans l'éducation et la vie publique, Keltia.
- 2007 : Pardon sant Fiag, romant, embannet gantañ e-unan.
- 2013 : Le coq, l'hermine et le croissant, romant e galleg, embannet gantañ e-unan.
- 2018 : Bugale milliget ar baradoz kollet, romant, Al Liamm.
Pennadoù[kemmañ | kemmañ ar vammenn]
- 1967 : Kudennoù an isdiorreadur en Aljeria, Areizh 01, Preder
- 1985 : Oppositions de longueur vocalique et formes canoniques dans le breton de Lanvenegen (canton du Faouët), La Bretagne Linguistique niv. 1, Brest
- 1988 : La proposition dite relative dans le breton de Lanvénégen, La Bretagne Linguistique niv. 4, Brest, pp. 121-129
- 1989 : Description phonologique du breton de Lanvénégen, Klask 1, Roazhon, PUR, pp. 17-55
- 1991 : Breton et culture bretonne dans l’éducation nationale, La Bretagne Linguistique niv. 8, Brest