Erinied

Eus Wikipedia
Mont da : merdeiñ, klask
Div Erinienn, en ul levr eus an XIXvet kantved, treset diwar ul lestr eus Hellaz kozh

An Erinied a oa teir c'hoar, evel alies e relijion Hellaz kozh, a oa o c'hefridi heskinañ ar re a dorre urzh vat ar bed, an dorfedourien a bep seurt.

Korfoù askellek a oa dezho, naered war o fennoù, ha skourjezoù ha flammerennoù a veze ganto.

O anvioù[kemmañ]

E gregach e oant Ἐρινύες/ Erinúes, eus ar verb ἐρίνειν / erínein, a dalv kement ha « heskinañ».

N'eo ket sur pet a oa anezho, met hervez Vergilius ne oant nemet teir:

  • Alekto, an Hini Didruez
  • Tisifone, an Dialerez
  • ha Megaira, ar Sorserez (dont a ra ar ger gallek mégère eus anv an hini diwezhañ).

An Eumenided a veze graet anezho ivez, e gregach Εὐμενίδες / Eumenídes, « ar madoberourezed»), ur ger a veze lavaret gant aon da lavarout o gwir anv.

Hervez ar vojenn e vez graet an anv-se anezho abaoe barn Orestes (gwelout amañ izeloc'h) gant an Aréopage. En Aten e veze lavaret ivez σεμναὶ θεαί / semnaì theaí, « doueezed enorus». Un anv all a veze graet anezho c'hoazh: χθόνιαι θεαί / chthóniai theaí, « doueezed ifernus ».

Klotañ a reont gant Merc'hed ar Gonnar (Furiae pe Diræ e latin) e Roma gozh. Kounnarverc'hed a gaver e Geriadur Vallée ("furie").

O lignez[kemmañ]

O fouez[kemmañ]

Dre ma oant doueezed kozh ne oant ket dindan Zeus. O chom e oant en Erebos (pe en Tartar, hervez an oberourien), er bed dindanomp, o tiskuizhañ da c'hortoz bezañ galvet war an Douar. Goude ma'zint a orin doueel ne blijont ket nemeur da z-Doueed an Olimp, gouzañvet int ganto, ha netra ken. An dud avat o devez aon razo. Se zo kaoz, dre ma tec'her razo atav, dre ma fell dezho bezañ anavezet ivez, e plegont da varnadenn Atena e pezh Eschyle, en desped d'o c'hoant diwalc'hus a zial.


Trajedienn Aesc'hulos[kemmañ]

Morc'hed Orestis, gant William Bouguereau (1862)

En Eumenidezed gant Aesc'hulos, trede pezh an Orestia, emañ Merc'hed ar Gonnar, an Erinied, war-lerc'h Orestis.

Pennadoù kar[kemmañ]

Liamm diavaez[kemmañ]


Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.