C'hoar

C'hoar un den eo ar bugel a reizh venel o deus bet tad ha mamm an den-se.
En ur ster relijiel e vez graet c'hoar eus an holl verc'hed, evel en droienn ma breudeur ha ma c'hoarezed kristen, ha dreist-holl eus al leanezed.

C'hoar henañ

Er gevredigezh kozh e tegouezhe d'ar c'hoar henañ, da lavarout eo an hini goshañ, kemer lec'h ar vamm en tiegezh pa chome o zad intañv. Dezhi e veze da sevel ar vugale, ha ma felle d'he zad he mirout da vatezh dezhañ n'he devoa ket gwir da zimeziñ.^{(Daveoù a vank)}

Fent

Dre fent e lavarer eus daou dra ez int c'hoar, da lavarout eo heñvel a-walc'h : Da gasketenn, 'm eus aon, zo c'hoar dam hini (Jules Gros).

C'hoarezed brudet

SeTU aman un toullad c'hoarezed brudet :

Mari Bro-Saoz hag Elesbed Iañ, rouanezed Bro-Saoz,
ar c'hoarezed Brontë
ar c'hoarezed Goadeg, kanerezed kan ha diskan

Lavaroù ha krennlavaroù

Karantez c'hoar / Breur ne oar.
Ar brezhoneg hag ar feiz / Zo breur ha c'hoar e Breizh. Lugan katolik ar Bleun Brug.

Livouriezh


The Sisters James Collinson, 1860	Die große Schwester Fritz von Uhde, 1883

Lennegezh

Tri sestry (Три сeстры), An Teir c'hoar, pezh-c'hoari rusek gant Anton Tchec'hov en 1900.

Filmoù

Hannah and Her Sisters, film stadunanat e 1986 gant Woody Allen.

Pennadoù kar