Mez (mel)

Mez.

Mez a zo anv henvrezhonek a veze roet d'an died alkoolek graet gant dour, mel ha goedenn. E brezhonek a-vremañ e vez graet gant chouchenn (ur rekipe eus kreiz Breizh gant sistr ouzhpenn) pe chufere e Bro-Dreger. Ur ger a orin indezeuropek eo pa vez kavet madhu e sañskriteg ha gerioù nes e meur a yezh e Europa.

Evit gouzout muioc'h war an died-se, sell ouzh chouchenn.

Anvioù brezhoneg all

• bochad
• dour-mel
• dourvel
• pikenaodenn
• pikenaouenn

Gerioù deveret

• mezeglin (ger henvrezonek evit ur mez gant ispisoù; kembraeg meddeyglyn)
• mezv
• mezvaat
• mezventi
• mezverezh
• mezvier
• mezviñ
• mezvus

Gerioù nes o stummoù e yezhoù all

• daneg mjød
• izelvroeg mede
• iwerzhoneg miodd
• kembraeg medd
• kerneveureg meth
• lituaneg midus
• norvegeg mjød
• poloneg miód pitny
• sañskriteg madhu
• saozneg mead
• sloveneg medovina
• svedeg mjød
• tchekeg medovina