C'hwec'h Merc'h Gwerc'h

Eus Wikipedia
Sauter à la navigation Sauter à la recherche

C'hwec'h Merc'h Gwerc'h zo ur rimadell vrezhonek, dezhi meur a stumm, evel ma c'hoarvez aliezik.

Doareoù[kemmañ | kemmañ ar vammenn]

Diouzh ar stummoù koshañ e c'haller krediñ e oa ur stumm berrik da gentañ, aet war hiraat goude.

En holl zoareoù kinniget amañ e ranker distagañ kreñv ar c'hensonennoù, diaesañ tra da c'hallegerien, a-hervez.

Doare Dumoulin[kemmañ | kemmañ ar vammenn]

Alanus Dumoulin, Grammatica latino-celtica, 1800, p. 2 : c'huec'h plac'h guerc'h var c'huec'h marc'h guen.[1]

Doare Jabadan[kemmañ | kemmañ ar vammenn]

War Le Courrier du Finistère, 25 a viz Du 1882, p. 3-d : C'huec'h merc'h gwerc'h var c'huec'h sac'h kerc'h ![2]

Kartenn-bost[kemmañ | kemmañ ar vammenn]

Hiroc'h eo ar stumm skrivet war ur gartenn-bost[3]eus kentañ kard an XXvet kantved, ma lenner.

C’houec’h merc’h gwerc’h, war c’houec’h sac’h kerc’h, war c’houec’h marc’h kalloc’h, war an erc’h, o vont d’ar marc’hallac’h.

Anv ebet eus menec'h avat.

Doare Priel[kemmañ | kemmañ ar vammenn]

Un doare all a gaver el levr Va Buhez e Rusia, e 1955, ha setu ar bourd-mañ da laras Jarl Priel :

C'hwec'h plac'h gwerc'h
gant c'hwec'h sac'h kerc'h
war varc'h war erc'h
hag ur bern menec'h war o lerc'h [4].

Diwar-gement-se e komprener e oa anavezet ar rimadell e Treger, ha gwelet evel ur bourd. Ar c'hentañ meneg eus menec'h e oa.

Doare Heliaz[kemmañ | kemmañ ar vammenn]

Ur stumm all zo bet kinniget gant Per-Jakez Heliaz e Marh al lorh, e 1986. [5]

C'hweh merh gwerh
war c'hweh marh kalloh
ha c'hweh manah war o lerh.

Diwar-gement-se e komprener e oa anavezet ar rimadell er Vro-Vigoudenn. Met anavezet e oa skrid Priel gantañ ivez moarvat.

Doare kelennet[kemmañ | kemmañ ar vammenn]

Setu un doare all hag a zo kelennet hiriv, ha skignet e-touez kelennerien, adaozet diwar hini Heliaz, pa dennont dezhañ :

C'hwec'h merc'h gwerc'h
war c'hwec'h sac'had kerc'h
war c'hwec'h marc'h kalloc'h
ha c'hwec'h manac'h war o lerc'h.

Gant pedergwerzenn anezhañ eo aes a-walc'h da implij er skolioù.

Un doare hiroc'h zo bet savet ivez:

C'hwec'h merc'h gwerc'h
war c'hwec'h sac'had kerc'h
war c'hwec'h marc'h kalloc'h
'vont d'ar marc'had da Venac'h.
ha war o lerc'h 'oa c'hwec'h manac'h .

Hag unan all, ar stumm hirañ betek-hen :

C'hwec'h merc'h gwerc'h
war c'hwec'h marc'h gwenn,
leun a c'hwen o-c'hwec'h
gant c'hwec'h sac'had kerc'h
'vont d'ar marc'hallac'h da Venac'h
ha c'hwec'h manac'h digalc'h war o lerc'h.

Doareoù all[kemmañ | kemmañ ar vammenn]

Un nebeudig doareoù all zo :

Seizh[kemmañ | kemmañ ar vammenn]

Seizh merc'h reizh
war seizh sac'had heiz
war seizh marc'h kalloc'h
ha seizh manac'h en o saeoù seiz.(Daveoù a vank)

Pemp[kemmañ | kemmañ ar vammenn]

Pemp plac'h estren
war pemp sac'had brenn
war pemp marc'h krenn
ha pemp manac'h diarc'hen war an drein.(Daveoù a vank)

Pladennoù[kemmañ | kemmañ ar vammenn]

Enrollet eo bet doare Per-Jakez Heliaz (adkempennet un tammig) gant al laz naonedat Tri Bleiz Die (n'eo ket aes kompren ar gerioù avat, ha distaget fall eo ar c'hensonennoù dibenn). [6]

Notennoù[kemmañ | kemmañ ar vammenn]