Va Buhez e Rusia

Eus Wikipedia
Sauter à la navigation Sauter à la recherche
Pajenn gentañ golo al levr

Va Buhez e Rusia zo titl ul levr gant Jarl Priel, bet embannet gant Al Liamm e 1955.

An eil levrenn eus eñvorennoù ar skrivagner an hini eo, da-heul Va Zammig Buhez bet embannet e dibenn 1954.

Ar pennad amzer a dremenas ar skrivagner tregeriat e Rusia eo a zo taolennet a-hed al levrenn-mañ, bet kinniget da Janed Branchereau, kelennerez war ar galleg diouzh he micher.
Jarl Priel, bet kejet ganti e Brest pa oa oc'h ober e amzer a vartolod, en devoa graet e soñj da vont da Voskov d'hec'h adkavout ; eno e timezas ganti d'an 23 a viz Ebrel 1911, e teskas rusianeg hag ez eas da gelenner war ar galleg.
Ne voe ket evit chom e-pad pell amzer er vro pa darzhas ar Brezel-bed kentañ. Ret e voe dezhañ distreiñ e-unan-penn da Vro-C'hall, ma touaras e Marselha d'an 22 a viz Eost 1914.

E 1957 e voe embannet levrenn diwezhañ eñvorennoù Jarl Priel, Amañ hag Ahont.