Élisabeth Borne
| Élisabeth Borne | |
|---|---|
| |
| Kargoù | |
| Kentañ Ministrez Bro-C'hall | |
| Adalek ar 16 a viz Mae 2022 | |
| Ministrez al Labour, an Implij hag ar C'henemprañ | |
| 6 a viz Gouere 2020 – 16 a viz Mae 2022 | |
| Ministrez an Treuzkemm ekologel ha kengred | |
| 16 a viz Gouere 2019 – 6 a viz Gouere 2020 | |
| Ministrez an Treuzdougen | |
| 17 a viz Mae 2017 – 16 a viz Gouere 2019 | |
| Remzad | |
| Studioù | École polytechnique École des Ponts Collège des Ingénieurs |
| Micher | Uhelgargiadez |
| Strollad politikel | LREM (adalek 2017) TdP (adalek 2020) |
| Enorioù |  Légion d'honneur Mérite Mérite maritime
|
| Ditouroù personel | |
| Ganedigezh | 18 a viz Ebrel 1961 Pariz  Frañs
|
| Tad | Joseph Borne |
| Mamm | Marguerite Lescène |
| Pried | Olivier Allix |
| Bugale | Nathan Allix (1995) |
Élisabeth Borne, ganet d’an 18 a viz Ebrel 1961 e Pariz, zo ur bolitikerez c’hall. War-lerc’h addilennadeg ar prezidant Emmanuel Macron e 2022 eo bet anvet gantañ da gentañ ministrez d’ar 16 a viz Mae 2022[1].
An eil vaouez eo da vezañ kentañ ministrez bro C’hall, goude Édith Cresson.
Buhez[kemmañ | kemmañ ar vammenn]
Bugaleaj[kemmañ | kemmañ ar vammenn]
Ganet eo Élisabeth Borne d’an 18 a viz Ebrel 1961 e 15vet arondisamant Pariz. Merc’h eo da Joseph Borne, ganet Bornstein d’an 2 a viz Mae 1924 en Antwerpen (Belgia), ha da Marguerite Lescène, apotikerez e Livarot (Calvados).
Joseph Bornstein, rezistant e-pad an Eil Brezel-bed, bet kaset da Auschwitz, a dapas ar vroadelezh c’hall e 1950 hag a gemeras an anv Borne, implijet gantañ war e baperioù faos[2]. Goude ar brezel e renas Joseph ha Marguerite Borne ul laborenn apotikerezh e 15vet arondisamant Pariz[3]. En em lazhañ a reas he zad e 1972, pa ne oa Élisabeth nemet 11 vloaz[4], ha mont a reas ar plac’h yaouank da pupille de la Nation (emzivadez ar Vro). Abalamour da se e voe roet ur yalc'had studioù dezhi[5].
Priedelezh ha bugel[kemmañ | kemmañ ar vammenn]
D’an 30 a viz Mezheven 1989 e timezas gant Olivier Allix. Ur mab o deus bet, anvet Nathan[6]. Dizimezet o deus[6].
Red-micher[kemmañ | kemmañ ar vammenn]
- Mae 2017 - Gouere 2019 : ministrez an Treuzdougen e gouarnamant Édouard Philippe
- Gouere 2019 - Gouere 2020 : ministrez an Treuzkemm ekologel ha kengret e gouarnamant Édouard Philippe
- Gouere 2020 - Mae 2022 : ministrez al Labour, an Implij hag ar C’henemprañ e gouarnamant Jean Castex
- Mae 2022 - bremañ : kentañ ministrez Emmanuel Macron
Kentañ ministrez[kemmañ | kemmañ ar vammenn]
E kontrol da Édith Cresson, anvet da Premier ministre (gourel) e 1991[7], eo bet anvet Élisabeth Borne da Première ministre (gwregel)[8]. E karg ar Steuñvadur ekologel hag energetek eo ivez[9].
Enorioù[kemmañ | kemmañ ar vammenn]
| Seizenn | Enor | Deiziad ha notennoù |
|---|---|---|
|
|
Marc'heg al Lejion a enor | 12 a viz Gouhere 2013[10] |
|
|
Ofiser Ordre national du mérite | 14 a viz Du 2016[11] |
|
|
Komander Ordre du Mérite Maritime | 2017[12] |
Daveoù[kemmañ | kemmañ ar vammenn]
- ↑ (fr) Remaniement : Elisabeth Borne est nommée Première ministre par Emmanuel Macron. France Info (Mae 2022).
- ↑ (fr) Quand Joseph, le père de la Première ministre Élisabeth Borne, était résistant à Nîmes. Midi Libre (Mae 2022).
- ↑ (fr) Elisabeth Borne. Elle a pris le métro. Libération (Mae 2015).
- ↑ (fr) Nîmes : Issac Borne, rescapé d’Auschwitz, s’est éteint. Midi Libre (2016).
- ↑ (fr) Enfance, parcours, patrimoine : douze choses à savoir sur Élisabeth Borne, nouvelle Première ministre. France Inter (Mae 2022).
- ↑ 6,0 ha6,1 (fr) Elisabeth Borne Première ministre : enfant, divorce… ce qu’on sait de sa vie privée. Gala (Mae 2022).
- ↑ (fr) Décret du 15 mai 1991 portant nomination du premier ministre, JORF 113 6472. Journal Officiel de la République française (Mae 1991).
- ↑ (fr) Décret du 16 mai 2022 portant nomination du Premier ministreDécret du 16 mai 2022 portant nomination du Premier ministre. Journal Officiel de la République française (2022).
- ↑ (fr) Décret du 20 mai 2022 relatif à la composition du Gouvernement. Journal Officiel de la République française (2022).
- ↑ (fr) Décret du 12 juillet 2013 portant promotion et nomination.
- ↑ (fr) Décret du 14 novembre 2016 portant promotion et nomination.
- ↑ (fr) Décret n° 2002-88 du 17 janvier 2002 relatif à l'ordre du Mérite maritime.