Serval

Eus Wikipedia
Mont da : merdeiñ, klask
Serval
Serval.jpg
L. serval
Rummatadur klasel
Riezad : Loened
Skourrad : Chordata
Kevrennad : Mammalia
Urzhiad : Carnivora
Kerentiad : Felidae
Genad : Leptailurus
Anv skiantel
Leptailurus serval
Schreber, 1776
Ar pennad-mañ a denn d'ar
vevoniezh
AlphaHelixSection.svg Kantarell, Iduns kokbok.jpg Symbole-Zoo.png


Ar serval (Leptailurus serval) zo ur c'hazh eus Afrika, krenn e vent. Ar spesad nemetañ eo er genad Leptailurus.

Muzuliañ a ra 85 cm gant ul lost 40 cm. Un aneval moan eo gant pavioù hir hag ul lost berr a-walc'h. Hirgelc'hiek ha tost an eil ouzh eben eo e zivskouarn. Liv e vlevenn zo diouzh an isspesadoù. Bej eo ar peurliesañ gant marelloù du bras a-walc'h. Un nebeud pennoù o deus marelloù kalz bihanoc'h hag un nebeud arall a zo du penn-da benn. Un nebeud servaled gwenn a zo ganet er mirvaoù.

Boutin a-walc'h eo ar serval en Afrika. Aet da get eo, avat, er C'hap hag en arvar emañ en Afrika an Norzh. Ar savanenn eo e annez pennañ, daoust ma kaver ar pennoù du er menezioù. Ezhomm en deus eus dour en e dachenn ha ne c'hell ket bevañ er rannvroioù re sec'h.

Hemolc'h a ra krignerien, gedon, damaned, evned hag antilopenned bihan. Chaseet e vez gant ar panterennoù ha hemolc'het e vez gant an den evit e greoñ.

Ar parezed a c'han etre unan ha pemp kolen a vez desavet en ul lec'h kuzh evel un douarenn zilezet.

N'eo ket ar serval ul loen-ti met e zoñvaat a c'heller. Ul liamm kreñv en deus gant e berc'henn. Gouennañ gant ar c'hizhier-ti a c'hell ober hag an hironed a vez graet Savannah anezho. Gallout a ra gouennañ ivez gant ar c'harakal.

Isspesadoù[kemmañ]

  • Leptailurus serval serval, Proviñs ar C'hap
  • Leptailurus serval beirae, Mozambik
  • Leptailurus serval brachyura,Afrika ar c'hornôg, Sahel, Etiopia
  • Leptailurus serval constantina, Aljeria (en arvar)
  • Leptailurus serval hamiltoni,Transvaal ar reter
  • Leptailurus serval hindeio, Tanzania
  • Leptailurus serval ingridi, Namibia, Botswana ar Su, Zimbabwe
  • Leptailurus serval kempi, Uganda
  • Leptailurus serval kivuensis, Kongo
  • Leptailurus serval liposticta,Angola an Norzh
  • Leptailurus serval lonnbergi, Su Angola
  • Leptailurus serval mababiensis, Hanternoz Botswana
  • Leptailurus serval robertsi, Transvaal ar c'hornôg
  • Leptailurus serval togoensis, Togo, Benin

Liammoù diavaez[kemmañ]

Serval


Tiriad ar serval