Pontrev

Eus Wikipedia
Pontrev
Ar rinier e Pontrev, ha bagoù bale, gwelet eus al lez dehoù. E kumun Pleuzal emañ al lez all.
Ar rinier e Pontrev, ha bagoù bale, gwelet eus al lez dehoù. E kumun Pleuzal emañ al lez all.
Ardamezioù
Anv gallek (ofisiel) Pontrieux
Bro istorel Bro-Dreger
Melestradurezh
Departamant Aodoù-an-Arvor
Arondisamant Gwengamp
Kanton Pontrev (betek 2015)
Bear (abaoe 2015)
Kod kumun 22250
Kod post 22260
Maer
Amzer gefridi
Samuel Le Gaouyat
2014-2020
Etrekumuniezh Gwengamp-Pempoull Arvor-Argoad Tolpad-kêrioù
Bro velestradurel Bro Gwengamp
Lec'hienn web Ti-kêr
Poblañsouriezh
Poblañs 1 000 ann. (2020)[1]
Stankter 980 ann./km²
Douaroniezh
Daveennoù
lec'hiañ
48° 41′ 57″ Norzh
3° 09′ 29″ Kornôg
/ 48.6992, -3.1581
Uhelderioù kreiz-kêr : 9 m
bihanañ 7 m — brasañ 77 m
Gorread 1,02 km²
Lec'hiañ ar gêr
Pontrev

Pontrev ([põn'trẽˑ][2], [põn'trɛw], [põ'trẽf]) zo ur gumun e Breizh e departamant Aodoù-an-Arvor, war ribloù an Trev, un 20 km bennak eus an aod, a zeu al lanv betek enni. Penn kanton e oa betek 2015.

Anv[kemmañ | kemmañ ar vammenn]

Savet eo an anv diwar ar ger pont hag anv ar stêr Trev.

Douaroniezh[kemmañ | kemmañ ar vammenn]

Pontrev zo bet savet en daou du d'ar stêr Trev (Treñv).

Kumunioù amezek
Pleuzal Kemper-Gwezhenneg
Ploueg-Pontrev Sant-Kleve

Ur porzh bihan zo war lez an aber, ma vez diskarget traezh-mor ha kregin d'ober temz. Abaoe ar bloavezhioù 1980 e vez gwelet bagoù o c'hoañviñ war an Trev.

Kanton[kemmañ | kemmañ ar vammenn]

Kanton Pontrev zo bet enteuzet e kanton Bear e 2015.

Ardamezioù[kemmañ | kemmañ ar vammenn]

En gul e groaz koñchek en aour.

Istor[kemmañ | kemmañ ar vammenn]

Henamzer[kemmañ | kemmañ ar vammenn]

Kêr Bontrev zo bet savet war douaroù parrezioù Kemper-Gwezhenneg ha Sant-Kleve (Itron Varia ar Feunteunioù), en tu reter d'an Trev, ha parrez Pleuzal (Sant-Erwan), en tu kornôg d'an Trev.

XVIIIvet kantved[kemmañ | kemmañ ar vammenn]

  • 19 Eost 1773 : dour-beuz hag a gas un neubeut tiez hag ar pont
  • 3 Ebrel 1777 : tan-gwall hag a gas ul lodenn vras eus ar straed Galleries
  • 25 Genver 1778 : dour-beuz
  • 20 Gouere 1778 : dour-beuz
Dispac'h gall

XXvet kantved[kemmañ | kemmañ ar vammenn]

Brezel-bed kentañ
  • 62 waz a gollas o buhez abalamour d'ar brezel hervez monumant ar re varv, da lavaret eo 3,46 % ag ar boblañs hervez an niveradeg bet graet e 1911[3].
Eil Brezel-bed
  • Kemeret e voe 20 000 Lur en ti-post, gant daou ezel eus ar Rezistañs moarvat, d’ an 3 a viz Even 1944, hervez danevell sizhuniek Titouroù Hollek Sant-Brieg[4].
  • Mervel a reas 28 den eus ar gumun abalamour d'ar brezel[3].
Trevadennoù

Monumantoù ha traoù heverk[kemmañ | kemmañ ar vammenn]

  • Iliz Itron Varia ar Feunteunioù
  • Feunteun
  • An ti Eiffel, un ti kozh dirak an iliz.
  • Monumant ar Re Varv

Emdroadur ar boblañs abaoe 1962[kemmañ | kemmañ ar vammenn]

Niver a annezidi

Relijion gatolik[kemmañ | kemmañ ar vammenn]

E pardon ar Feunteunioù, e miz Gouhere, e vez lidet Itron Varia ar Feunteunioù. Heñvel eo ton kantik Itron Varia ar Feunteunioù ouzh hini Itron Varia ar Gozh Iliz, e Planiel.

Linenn hent-houarn[kemmañ | kemmañ ar vammenn]

Dre Bontrev e tremen al linenn Gwengamp-Pempoull, ha daou arsav zo :

  • en arsavlec'h kreiz-kêr, anvet halte de Pontrieux, deuet da vout Pontrieux halte, gant an dreveziñ saozneg ;
  • en ti-gar, e porzh Pontrev.

Tud brudet[kemmañ | kemmañ ar vammenn]

Tud bet ganet eno[kemmañ | kemmañ ar vammenn]

Brezhoneg[kemmañ | kemmañ ar vammenn]

Rimadell
Me 'm eus ur mignon e Pontrev
Daou 're, daou 're
Ma zad a oa rouzmouzer
Ma mamm a oa rouzmouzerez
Ha me a zo rouzmouzer.
Domini Patris,
Sant Malo, Lomikêl ha Lokemo
Me 'm eus kerent e Pontrev,
N'onn ket pe int marv pe int bev.
Krennlavaroù
  • Ebeul Pontrev a vez lavaret eus ur c'houer teuc'h a sperad ha gros[5]
  • Merc'hed Pontrev / Daou benn moal hag unan dev.[6]
Kantik
  • Kantik Itron Varia ar Feunteunioù.

Levrlennadur[kemmañ | kemmañ ar vammenn]

  • J.B. Ogée : Dictionnaire de Bretagne; 1780.
  • A. Marteville & P. Varin : warlec'hien ha reizherien Ogée; 1843.
  • Yves Thomas : Pontrieux, petite cité du Trégor-Goëlo. Embannadurioù la Plomée. Gwengamp. 2002 (16x24. 611 p.)

Liammoù diavaez[kemmañ | kemmañ ar vammenn]


Commons
Commons
Muioc'h a restroù diwar-benn

a vo kavet e Wikimedia Commons.

Notennoù ha daveoù[kemmañ | kemmañ ar vammenn]

  1. Roadennoù ofisiel e lec'hienn an EBSSA
  2. Cf. Nouvel atlas linguistique de la Basse-Bretagne kartenn 6.
  3. 3,0 ha3,1 Monumant ar re varv - Memorial Genweb
  4. Éric Rondel, En attendant le Débarquement en Bretagne du 15 août 1943 au 6 juin 1944, pajenn 276, Dastumadenn Guerres et Conflits, Embannadurioù Astoure, Pleherel, 2011
  5. Léopold-François Sauvé (1885). Proverbes et dictions de la Basse-BretagneLavarou koz a Vreiz-Izel. Genève : Slatkine Reprints, 1986, p. 150 (ISBN 978-2-05-100101-4)
  6. [...] unan dev : kemmadur souezhus.